Баракат цIикIкIине…

Баракат цIикIкIине,

РахIмат рещтIине,

ТIаме, вацал, гали,

Мажгиталдехун.

ГIадалаб хабаралъ,

ХинкI кьунаниги,

ГIазаб гIемерлъила,

«ГIебеде» щведал.

Аллагьасда гьарде,

Дин реххун тоге,

Гьелъ гьарила хвасар,

Къияматалда.

Къулгьу-алхIам цIале,

РухIазе бикье,

РухI босулеб мехалъ,

ХIалай батизе.

КIал тамахго кIалъан,

РакI тIухьилъун чIун,

Нилъ ритIун ккеялда,

Щаклъи бугеб жо.

Мискинасда гурхIа,

Садакъаби кье,

Дуего батулеб,

Те, гьудул, нахъа.

Толеб гьаб дуниял,

Дургойилан ккун,

Иблисалъ гуккизе,

Воре, тохлъуге.

ГIабдуллагь ГIабдусаламов,

ТIелекь росу