Дунялги гIумруги

Дунялги гIумруги

Дунялалъул гIатIилъи,

ГIумруялъул берцинлъи,

ГIадамасе кьун бугеб

Борхалъигун лъай-гIакълу.

ГьитIин рукIарал лъимал,

Лъадарун кIудал гIола,

Лъайгун къуват борцунеб,

БачIуна гIолохъанлъи.

ГIакълугин лъай камилаб,

КIодолъи-херлъи щола.

Хвалил хабар гIагарлъи,

ГIинда жаниб багъула.

ГIакълу камилаб гIужалъ

ГIадамал хисардула.

ЛъикIаб-квешаб гIемераб,

ГIумруялде журала.

Хвел цебе букIин лъалез

Лъай динияб босула.

Дунял цадахъ гьабулез,

Гьеб гуребги цIалула.

Аллагь вокьулеб гIелму,

ГIумрудул битIараб нух,

ГIакъилал гIалимзабаз

ГIелахъе кьун бачIараб.

МагIишат хиралъани

Халкъ цIадабе кIанцIула.

ГIорцIи гьечIеб буголъи,

Балагьалъе батула.

ГIатIидаб гьаб дуниял,

Дуе берцинлъун кьураб,

Аллагь рехсей гIемераб,

ГIумруялда регIилин.

Сулайман МухIамаднуров,

ЦIиликь росу