Гьабун те рахIму

Инсанасул гIумру къокъаб жо бугин,

Къоял жиндий рикIкIун кьурал лъалареб.

Лъала хвел щивасда тIадаб парз букIин,

БетIергьан, гьарула, гьабун те рахIму.

Мун цо хIакъав вукIин якъинго лъала,

Лъугьа дида тIаса, хирияв Аллагь.

Абадияб рокъов къварид гьавуге,

Гьардарав, гьарула гурхIа Мун дида.

Дун дур загIипав лагъ, гьаб ракьалда тIад,

ТIадал парзалги лъун Дуца вижарав.

Жакъа дунялалъул боцIи сабаблъун,

Лъала, гьел турачIо, тIаса лъугьун те.

Тавбуялъе тохлъун соналги анин,

Унеб гIумруялъул халгьабичIого.

Гьардола дун Дуда, дир ракI бухIиялъ,

БухIараб цIедаса цIуне дун, Аллагь.

МухIаммад Меселов