Роххизаруна дур шапакъаталъ
Роххизаруна дур шапакъаталъ
Гьашим, гьанже дица, цо мунги рехсон
ГьитIинабго кIалъай гьабун рекъела,
Бихьинаб дур гIамал гьаб гIаламалъе
Баян гьабиялъе нухал рагьила.
ГIураб дарслъун буго, гIолеб гIелалъе
Жакъа дур горбода бан бугеб медаль,
Гучаб мисал буго гьаб дунялалъе
Олимпиадаялъ щвараб бергьенлъи.
Сабругун гьабураб дур хIадурлъиялъ
ХIасил баянлъана гIураб росдае,
Чармил биун тIураб кьучIаб гIамалалъ
ЧIухIизе гьабуна гьавураб ТIелекь.
ГIемераб халатаб кечIги щибизе
МагIна баянлъизе бергьенлъи гIела,
ГIадада бицунеб хабарги щайзе
Харбий медаль гIела дуца босараб!
Доб Азербайжанги гьаб Дагъистанги
Роххизе гьаруна дур шапакъаталъ,
ГIарцул медалалда квелъ барав дуца
Меседил босилин щаклъиги гьечIо!
