Егунин кьижичIей, кьижун хIалхьичIей
Егунин кьижичIей, кьижун хIалхьичIей
Эбел, дир хирияй рекIел хазина,
Халикъас дуй гIумру халатаб кьеги.
Эбел, дир гIумрудул миллияб чIухIи,
ЧIаго тайгиха мун, даим ракьалда.
Нижее рухI бахъун кьезе хIадурай,
ХIалаллъаги дуе Жанатул фирдавс.
Нижей гIоло захIмат гIемер баччарай,
Щваги дуй бищунго кIудаб даража.
Якъунин кваначIей, кванид гIорцIичIей,
Нижей нухмалъизе чирахълъун чIарай.
Егунин кьижичIей, кьижун хIалхьичIей,
Берцинаб дуниял нижее кьурай.
Ниж сабаблъун дуца рорчIарал сардаз,
ТасбихI бачаги дуй кIиябго рокъоб.
Нижей гIоло дуца бичараб гIумру,
ГIамалал цIалелъул чIаги хIалае.
Аллагьасул калам каранлъ бессарай,
ХIабибасул нухда гIумру тIамурай.
Какил ками течIей, чIумал рехичIей,
Щвела дуе эбел, Бичасул кумек.
Къилбаялда юссун сардал рорчIарай,
Цере ккурал кверал сваказе течIей.
Гьабулеб дугIадулъ недегьлъи тIокIай,
ТIадегIанас нижей цIунун таги мун.
