ХъантIиялъул гIаламат
ГьабунагIан гIей гьечIеб,
ГIорцIанагIан ракъараб,
Къимат хвараб магIишат
ХъантIун щайдай гьабулеб?
Цоцазулъ жахIда буго,
Иблис бергьунеб буго.
Цересан релъаниги
Жаниб чIегIерлъи буго.
ГIейго гьечIеб гьаб боцIи,
Гьаниб толеб магIишат,
ГIагарлъи рикIкIад гьабун
Гьабизе ккараб жойщ?
Унтарав вихьуларо,
Щокъасде раккуларо.
Ниж квеш гьечIилан абун
Телефон гаргадула.
Гуро, заман хисичIо,
Хасият чанкIкIун буго.
Чиясе кьолеб къимат
ЛъугIараб хIал ккун буго.
ГIорцIун тайги киналго,
Квешлъаби нахъе айги.
Амма гьал унтабазе
Дару батулеб гьечIо.
Квеш гьечIин, лъикI ругилан
Кинацаго гIей гьабун,
ГIаламалъул ахIвал-хIал
ХIалуцараб куц буго
МухIамадил умматго,
Исламиябщинаб халкъ,
Аллагьасул цIобалда
КIочон тун хутIугеги!
