Гьабе цо сабаб

Гьабе цо сабаб

Гьаб дунялгун гIащикъ
ГIищкъул къвал базе, 
Чорхол хъантIи кинаб
ГIорхъиго гьечIеб?
Аллагь кIочон тарал
Лугбузул лахIзат,
Къаникье ун хадур 
Сурав кин кьелеб?
Лъуралъуб батулеб, 
Кьуралъуб щолеб,
Щвалде щун ахIкамал
ТIурай гьечIищ лъикI?
Куфруялде цIалел 
Чорок пикраби, 
Какил суждабазе
БакIлъун ккеларищ?
ШайтIабаз гуккулел
Пакъирзабаца
Росулел куц кепал 
Кодор щванани.
ХIарам-хIалалалъе 
Сангарго лъечIез,
Чан пасат гьарула
Щвани зуризе.
Уна къоял роржун,
БачIуна сагIат,
Соролел дол лугбаз 
Къо-лъикI гьабулеб.
ХIалкIолев БетIергьан,
Къудратав Аллагь,
Уммат цолъиялъе
Гьабе цо сабаб.

Шамсудин Расулов, ГIанчихъ росу