Баракатаб «Ас-салам»

ЦIикIкIун сонал рарабгIан

ГIолохъанлъун бачIунеб,

РачIа, хъвалинха, вацал,

Нилъецаги «Ас-салам».

ЦIар борхатал васаца

КьучI лъураб гьаб казият,

Кавказ тун къватIибеги

Къадруяблъун лъугьана.

СайидмухIаммад-хIажи, -

Алжаналда хIал батад,

ЧIаго вукIаравани

Рохелалъ керен цIезе.

АхIмад-хIажи-афанди, -

Нижер рухIазул эмен,

Дур баракатаб нуралъ,

Гвангъун буго «Ас-салам».

«Ас-салам» хъванщинасул

Рокъоб баркат рещтIуна,

«Ас-салам» цIаларазул

Иманалъ ракIал цIола.

Цо хъвараб «Ас-саламалъ»

ГIорцIи букIунаро дир,

Садакъаялъе кьезе

Цоги хъвазе гьесула.

Нилъеего хирияб,

Жиндир къимат кIудияб,

Хъвалинха вацал-яцал,

Баракатаб «Ас-салам».

Сулайман МухIамаднуров