Дир гIолохъанлъи ана...

Дир гIолохъанлъи ана, бетIер хъахIлъана,

Дир гIолохъанлъи ана, мегеж чарлъана,

Дир чорхол тату хвана, хивал хIорго хутIана,

Хвалие хIадурлъизе чарагьечIолъи ккана.

Чиядасан гьабураб гъибат-бугьтан гIемерлъун,

ГIемер тавбу гьабизе хIажатавлъун дун ккана.

ХIарамалде балагьун бераз мунагь гьабурав,

Гьалдолеб жужахIалъув ккелилан хIинкъун ккана.

ЖахIда-хIусуд, хIалхъублъи лъикIаздехунги гьабун,

ЛъикIабщинаб дир гIамал гьезий насиблъун ккана.

Лъалебги лъаларебги хабар бицун гаргадун,

Гьелъул жаваб кьезеги дир габуралде ккана.

ГодекIанив кIалбазар - кIиго рагIул гьумерчи,

Чан дун гIадинав гIабдал гIайибалъе хIакълъарав.

Бихьанщинаб бицунев, рагIанщинаб гьурщулев,

Щибдай лъела дида цIар, лъалев чи вугищ нужер?

ЛъикIлъиялда даимлъун лъикIаб гIамал гьабуни,

Лъиегоги хIакъаб жо, лъикIаб цIар щвезе буго.

Щвара-щварабги гьабун гьава-напсгун хьвадани,

Хьул лъезе бакI гьечIо дир дунял-ахираталда.

КЪЕБЕДОВ ГIУМАРАСХIАБ