Дуде рокьи гьечIеб ракI хIажат гьечIо
Дуде рокьи гьечIеб ракI хIажат гьечIо
Дир беразул канлъи, АхIмад-афанди,
Дур нур бихьуларел берал щибизе.
Дир черхалъулги рухI, КъутIбу замани,
Духъ гIенеккуларел берал щибизе.
Рокьаралгун цадахъ тIаде рахъиндал,
Дуде рокьи гьечIеб ракIги щибизе.
ЦIодорал чагIиян гаргадулезе
Пикру мекъи ккараб гIакълу щибизе.
Дин бокьарал васаз сайидлъун ккурав,
Ислам рихаразе бадиб заз гIадав.
Гъибат-бугьтаналда, кепалда ругел
Мунапикъзабиги загьир гьарурав.
Бусурбанчиясе кумек гIемерав,
ДагIват гьабулезе квербакъи цIакъав.
ГIалимзабазеги мугъчIвалеб хIуби,
ГIибадат гьабулез мисаллъун ккурав.
Заман ахирлъидал, дунял бецIлъидал,
Диналъе бижараб гвангъараб чирахъ.
Дур канлъи нижее даим хутIаги,
ТIагьал ﷺ ирс босарав хIакъав халифа.
Халалъаги гIумру, вохун хутIаги,
Щулияб сахлъи кьун, разиго таги.
Анбияъ-русулаз нафси ахIидал,
ШапагIат гьарула, ниж, пакъиразе!
