МархIаба рабигIул аввал
МархIаба рабигIул аввал
Ассалам гIалайкум,
РабигIул аввал.
Мавлидазул моцIан
ЦIар тараб шагьру.
Воре, бусурбаби,
Гурея гъуждул.
Мавлидал ахIизе,
ХIабиб вохизе.
Ният бацIцIад гьабе
Хирияб уммат,
Хирияв авараг
КIодо гьавизе.
Исанаги гьаб моцI
ЧIаго бихьилин,
Дирни хьул букIинчIо,
БитIун бицани.
Араб къойил гуреб
Божиго гьечIеб,
Заман бугин бачIун,
Воре, тохлъуге.
Ресалда рекъараб
Садакъа гьабун,
Свери гIатIид гьабун,
Мавлидал ахIун.
ХIабиб разилъулеб
ГIамалал гьарун,
ТIамизинха нухда
РабигIул аввал.
ХочI-хабар жибго тун,
Салават битIун,
Барщаралгун рекъон,
РакI гIатIид гьабун.
ГIатIидаб гьаб дунял
Къокъаб жо букIин,
Къваридаб доб лахIту
Цебе чIезабун.
Нилъ чIаго ругелъул,
АлхIамдулиллагь.
ХIабиб разилъулеб
Гьабилин гIамал.
Барщаралгун рекъе,
Къурал жалго те.
Зулмучи ватани,
Тавбуги гьабе.
Бечедал ратани,
Воре, чIухIуге.
Мискинлъи бищанин
ХIабибас тIаса.
Воре, мискин-пакъир
ХIакъир гьавуге,
Нилъер ХIабибасе
Гьел рокьулаан.
Кьейги нилъей иман
Аллагь разияб,
Авараг гьавураб
МоцIгун дандчIвазе
