Салам бице

Гьардарал гурищ нуж, хIежалде унел,

Авараг вижараб ракьалде щолел.

Авараг вукъараб Равза бихьулел,

Гьесул ватIаналде гьоболлъухъ щолел.

Нужей нух битIаги, я хIажизаби,

Гьабураб, гьарараб къабул гьабеги.

РекIел мурад тIубан, сах-саламатго

Рижараб ракьалде тIадги руссаги.

Дирги салам бице аварагасда,

Урхъараб, гIащикъаб, гIурхъи лъалареб

Доба, БакъигIалда рукъун ругезда,

Шамил имамасда, Адам, ХIавада.

Ханзадай Сулейманова, ХIебда росу