ДугIа, гьара-рахьи

ДугIа, гьара-рахьи

Бараб как камиллъаги,
Ккурал кIалал къабуллъаги,
Къабулазул кири щун,
Нилъ рохизе гьареги.
Иманалъул черх цIеги,
Ислам хиралъун ккаги,
Къуръан, хIадис бокьизе,
Аллагьас нилъ тIамаги.
ГIадан хиралъун ккаги,
РакIал рацIцIад гьареги,
РакI бацIцIадал чагIигун
ГIумру тIамизе щваги.
Рагъ-кьал бахчун хутIаги,
Гьелдаса цIунун таги,
ЦIоб гIатIидав БетIергьан
ГурхIулеллъун гьареги.
ГIун бачIунеб гIелалъе
Имангун сабру кьеги,
ГIакълу, адаб цIикIкIаги,
ЦIар тараллъун лъугьаги.
Аварагасул шафагIат
Щолеллъун нилъ лъугьаги,
Аллагь разияб гIумру
Насибаллъун гьареги.
Чорхолъ ритIун хутIаги,
Ахират лъикIаб щваги,
РухI бахъи бигьа гьабун
РитIун ккезаре, Аллагь!

Низамудин Гъазиев