Аслияб гьумералде

ЛъикI щвараб, Рамазан

ЛъикI щвараб, Рамазан

ЛъикI щвараб, Рамазан

Аварагасул ﷺ рагIабаздаса нилъеда лъала Рамазан моцI байбихьиялдалъун вохарав чиясе мунагьал чуриялъул къагIидаялда ТIадегIанав Аллагьасул ﷻ рахъалдасан кири щолеблъи. Гьединго нилъеда лъала гьеб моцIалъ лъимал-хъизамазе байрамалъулаб ахIвал-хIал гIуцIизе ва гьел рохизаризе лъикIаб букIин.

 

Лъимал мунагьаздаса рацIцIадал руго, амма гьаб хирияб моцI тIаде щвеялдаса бугеб рохел бихьизабиялъулги гIажаибаб мисал цебелъуна гьез. Гъизилюрт шагьаралъул №8 школалъул 1 «г» классалъул цIалдохъабаз, жидерго классалъул нухмалъулей Фарида Лисетовналъул хIаракаталда рекъон, хирияб моцIалда хурхун гIуцIана тадбир. Лъималаз хIадур гьаруна Рамазан моцIалъе сайгъат гьарурал суратал, гьабуна дугIа, цоцазе лъикIал гьара-рахьиял, бицана кин жидеца гьеб моцI тIобитIулеб бугебали. Амма бищунго гIажаиблъизе бачIараб жо букIана, тIоцебесеб классалъул гIемерисел цIалдохъабазул дугIабазулъ Украиналдагун Палестиналда рагъ лъугIагиян гьари.

Гьеб тадбиралда гIахьаллъизе ахIун рукIана «Ас-салам» газеталъул вакил ва Гъизилюрт шагьаралъул рухIияб лъай кьеялъул отделалъул хIалтIухъан МухIаммад МухIидинов. Гьес лъималазе бицана Рамазан моцIалъул бугеб къиматалъул, лъай тIалаб гьабун цIалиялъул бугеб кIваралъул, эбел-инсулгун учительзабазул адаб-хIурмат гьабизе ккеялъул хIакъалъулъ.

Гьединал тадбиразул кIудияб кIвар буго исламалъул нухалдагун берцинаб рукIа-рахъиналда гIолеллъун рукIине лъимал куцаялъе. ТIадегIанав Аллагь ﷻ разилъаги гьединаб тадбир гIуцIарал мугIалимзабаздаса ва умумуздаса!

 

2026-05-15 (ЗулкъагIида 1447 с.) №10.


ХIикматал махлукъатал

Тюлень   Дунялалда руго гIага-шагарго 30-гIанасеб батIияб тайпа тюленазул. Крабал кваналел тюленазул цаби руго гIажаибал. ГIемерисел тюленал, бихьиналищ яги цIуялищали ратIарахъизе кIоларо. ГIумруги гьез, масала, бихьиналъ - 20-25 соналъ, цIуялъ - 30-35 соналъ гьабула. ТIинчIги гьабула 1-3....


Волейболалъул турнир

1 маялда ХӀебда росулъ тӀобитӀана, СВОялъул бахIарзал ракIалде щвезариялъул хIурматалда, школазул цIалдохъабазда гьоркьоб волейбол хIаялъул рахъалъ къец. Гьеб тадбиралда гIахьаллъи гьабуна ХIебда росдал имам ГIумархIажи МухIаммадхIажиевасги. Жиндирго кIалъаялда гьес киназего гьарана бергьенлъи ва...


Ният халгьабун…

Къокъаб, амма магIна гъваридаб аби буго: «РакIбацIцIалъиялъ, ай ихласалъ гIажаибал жал гьарула», - ян абураб. Гьел рагIабаз мухIканго загьир гьабула муъминчиясул гIумруялъул аслияб магIна. Ахир-къадги исламалда бокьараб гIамалалъе къимат гьабула гьелъул сипат-сураталдалъун яги кIодолъиялдалъун...


Ахирисел хириял къоял

ТIаде щолеб бугеб иргадулаб моцI ккола ЗулхIижа. Гьеб ккола исламалда жаниб Ражабгун, ЗулкъагIидагун ва МухIаррамгун цадахъ, ункъабго хирияб моцIалъул, цояб. Гьел моцIазда жаниб ТIадегIанав Аллагьас ﷻ хIарам гьабуна рагъ-кьал, тунка-гIусиял, би тIей.   Гьеб моцIалъул тIоцебесеб анцIго...


«Ас-салам» – магIарул росабалъ

Гьал къоязда магIарул мацӀалда бахъулеб «Ас-салам» казияталъул редакциялъул хӀалтӀухъаби щвана Шамил районалъул Бакълъухъ росулъе. Редакциялъул хӀалтӀухъаби дандчӀвана росдал бегавулгун, школалъул нухмалъулевгун, мадрасаялъул ректоргун цогидалги жамгIиял хIаракатчагIигун. Гьезулгун...