Аслияб гьумералде

ЦIалдолезул пикраби

ЦIалдолезул пикраби

Газеталъул ахирисеб номералда кьун букIана «Нужее рохел сундалъун щолеб?» - абураб суал. Гьелъие рачIарал жавабал кьолел руго гъоркьехун.

Аварагасул ﷺ умматалъул ватиялдаса ва Аллагь разилъи тIалаб гьабулел тIарикъаталъул хIакъикъияб агьлу лъаялдаса.

АхIдезе будильникги лъечIого рогьалил какде вахъунеб мехалъ.

Хадусеб номералъе суал «Рамазаналде кин хIадурулел ругел нуж?»

Эбел-эмен сах ругони.

РакӀ лъикӀлъидал щола рохел

РахIаталда гIодовчIун, бугелда шукруги гьабун, АлхIамдулиллагьин абидал.

Эбел-инсул калам ва гьими бихьидал рекIее рахIат щола.

Эбелалъул гьурмахъ валагьидал.

Их тIаде щведал щола рохел.

Диналъул вацалгун гIодовчIун рахIат босидал.

Хъизан-агьлу сахсаламалъиялда ругеб мехалда.

Эбел-эмен рази ругони, гьелдаса кIудияб рохел гьечIин ккола дида.

ГIелму бугел гIадамалгун цадахъ вукIиналъ.

ХIалтIудаса харж щвраб къоялъ.

Рохел абураб рагIиялъул гъваридаб магIна буго. Дие рохел щола тIолабго дунял ракълида бугеб мехалда. Амма гьедин букIине гьечIо. Къиямасеб къо щвеялъул гIаламатаздасан гьеб бугелъул.

Диналъулъ щулалъи Аллагьас кьедал щола рекIее рохел.

ЧIужу рази йигеб мехалъ букIуна рохел. Гьей рази гьайизеги бигьаяб иш гуро.

МагIарда бугеб дирго росулъе щведал букIуна рохел.

ХIурматиял цIалдолел. Газеталъул щибаб номералда, «ЦIех-рех» абураб рубрикаялда гъоркь, нужее кьезе буго цо-цо суал. Гьелъие жаваб битIизе бегьула СМС хIисабалда гьаб номералде (ватцап): 7-988-458-16-63. Нужеца ритIарал жавабал рахъизе руго хадусеб номералда.

ХIурматиял газета цIалулел! ХатIалъуларев инсан вукIунарелъул, бокьилаан газеталда ккараб гъалатI нижеда лъазабуни. Газеталда рорхизе бокьарал суалал, макъалаби, пикраби ратани гьаб 7 988 458 16 63 номералде ахIизе ва хъвазе бегьула.

2026-09-01 (РабигIул аввал 1448 с) №17.


Алжаналде нух

Дунялалъул кинабго иш сабабазда базабун бугебго гIадин, инсан дунялалде вачIинги эбел-инсудалъун буго. Лъиего балъгояб жо гуро лъимаде эбел-инсул букIунеб гурхIелги, кIудияб тIалаб-агъазги. Гьединлъидал нилъеда исламалъ тIад гьабула эбел-инсул камилаб адаб гьабизе. Къуръаналъулги ахIи буго...


Кин цIуни гьабилеб?

Адамил лъимер битIараб нухдаса къосинабизе, квешаб гIамал гьабизе гьесизабизе кидаго хIаракат бахъула иблисалъ. Гьелдаса цIунизе инсанасе бищун кумек гьабула Аллагьасдаса ﷻ кумек тIалаб гьабиялъ.   Гьедин гьабейин Къуръаналда абулебги буго (магIна): «…рахIматалдаса бачахъараб...


ХIузуралъул нух

БетIергьанас щивав бусурбанчиясда тIадаблъун гьабун буго сордо-къоялда жаниб щуго как бай. Гьебги ккола диналда жаниб чара гьечIого лъалеб жо. Лъимералъ анкьго сон байгун гьелда как базе малъейин, анцIго сон байдал, кIарчанлъи гьабуни тамихI гьабейинги абун буго Бичасул аварагас ﷺ.   Цоги...


Минскалда тIобитIана халкъазда гьоркьосеб форум

Беларусь Республикаялъул тахшагьар Минскалда тӀобитӀана «Механизмы укрепления межкультурного взаимодействия и духовно-нравственных ценностей на международной арене» абураб цIаралда гъоркь халкъазда гьоркьосеб форум. Исламияб маданияталъул, гӀелмуялъул ва лъай кьеялъул фондалъул...


Нужее баяналъе

1. Муъминун абун сураялда щай абураб? – Муъминзаби ва гьезул сипатал рехсеялъ. 2. Чан сураялда рехсараб дунял хIайгIадинаб жо бугин абун? – Ункъо сураялда: «АнгIам», «ГIанкабут», «МухIаммад», «ХIадид». 3. ШайтIаналъул хъаравулзаби абун...