ЦIалдолезул пикраби
Газеталъул ахирисеб номералда кьун букIана «Хасалил заманалда гьабулеб аслияб хIалтIи щиб букIунеб нужер?» - абураб суал. Гьелъие рачIарал жавабал кьолел руго гъоркьехун.
Риидал халат бахъинабула.
МагIарухъ вугони, ахикье хьвадула биххараб къед гьабизе.
БитIун бицани, гьединаб гIазуги хаселги щоларого буго ахираб заманалда.
Хадусеб номералъе суал «Нужее рохел сундалъун щолеб?»
Дир аслияб хIалтIи буго рукъзал рай. Хасало минабазда жаниб гьабулеб хIалтIи бокьула. Болъаби гьарула.
Мажгит-мадрасалда цIалула.
Чода рекIине хьвадула.
ХIамие хIалтIизе ккараб мехалъ хасел-рии абун батIалъиго букIунеб гьечIо. Гьелъул мисалалда вуго дунги, щибго хисараб жо гьечIого, цо къагIидаялъ хIалтIулев.
Хасало рокъоб гьабулеб хIалтIуе къвалал гурула. Лъимал-хъизамгун гIемераб мех бала.
ГIазу бугеб бакIалде хIухьбахъи гьабизе хьвадула гьудулзабигун.
Как-диналда тIад чIола. Къоял гьитIинал рукIиналъ кквезе ругел кIалал рецIула.
Хасало рогьалил какде ине цIакъ бигьаяб букIуна.
Хасел буго муъминчиясе цIакъаб заман, кIал кквезе гьитIинаб къо ва сардилъ вахъине лъикIаб заман.
ХIукуматалъул хIалтIуда вуго дун. Гьединлъидал батIияб жо гьабизе бажаруларо. Радал хIалтIуде, къаси рокъове.
ГIумру гьабун руго магIарухъ. Риидал-хасало батIалъи гьечIого хIалтIи камураб заман букIунаро.
Хасалил заман бокьула. Хасало эбел-эменгун цадахъ магIарухъе уна хIухьбахъи гьабизе. Гьоркьиса Домбаялдеги ун рукIана.
Риидал ччугIа кквезе хьвадула, хасало чанаве уна.
Хасало кьижун, кванан кьаралъун вукIуна. Гьавабакъ хинлъидал вахъуна хIалтIуде.
Хоккей хIазе уна гIолилалгун цадахъ.
