Нужее баяналъе

– Имам Бухарил бищун машгьурав мутагIил щив?

– Имам Муслим.

– Имам Муслим кида гьавурав?

– 206 гьижрияб соналъ.

– Имам Бухари кида гьавурав?

– 194 гьижрияб соналъ.

– ГIакъидалъул машгьурав ва бергьарав кIиго гIалимчи щив?

– АбулхIасан алАшгIари ва имам Матуриди.

– «Аятул Муташабигьат» сунда абулеб?

– Гьел ккола Къуръаналъул аятал, жидеца баянго магIна кьолареб, гьелъул хIакъикъат Аллагьасда ﷻ лъала. Гъварилъуде вакки питнаги буго, Аллагьас ﷻ Къуръаналда абухъе.

– ГIиса авараг гьавидал гьесул тIоцебесеб калам кинаб букIараб?

– Дун Аллагьасул ﷻ лагъ вугин абураб.

– Муса аварагасул вазир щив вукIарав?

– Гьарун (сура «ТIагьа», аят 29).

– Къуръаналъул магIна щиб?

– «ЦIале» абураб.

– Бищун кьучIаб хIадисазул тIехь щиб?

– Бухари.

ШАМИЛ МУХIАММАДОВ