Нужее баяналъе
- «ХIавамим» абурал сураби чан ругел?
– Анкьго руго.
- Щал гьел кколел?
– «Гъафир», «Фуссилат», «Шура», «Зухруф», «Духан», «Жасият», «АхIкъаф».
- Щай гьезие «ХIавамим» абурал цIарал кьурал?
– «ХIавамим» абун Аллагьас ﷻ гьел сураби байбихьун рукIиналъ.
- НухIил къиса ва муъминзабигун гьев хвасарлъиялъул хIакъалъулъ баянго щиб сураялда рехсараб?
– «Гьуд» сураялда.
- «Юсуф» абун сураялда цIар щай тараб?
– Гьесул къиса гьениб рехсон букIиналъ.
- Дунялалда тIоцеве вижарав чи щив?
– Адам авараг.
- «Къадр» абун сураялъе цIар щай кьураб?
– Лайлатул къадр рехсеялъ.
- Туснахъалда вугеб мехалда Юсуф аварагас щиб гьабулеб букIараб?
– Туснахъалда ругел ТIадегIанав Аллагьасе ﷻ гIибадат гьабизе ахIана.
- Аварагас ﷺ щив витIун вукIарав ансаразухъе гьезда ислам малъизе?
– МусгIаб бин ГIумайр.
- Тушманасул рокъоб тарбия щварав авараг щив вукIарав?
– Муса авараг.
- ГIумар-асхIаб щиб гIужалъ чIварав?
– Рогьалил какда.
- Абубакарил ясазул бищун гIелму бугей щий йикIарай?
– ГIаишат.
- Аварагасул ﷺ чIужу ХIафсатица чан сон бараб?
– 69 сон.
- Суратул «Намлаялда» цоги щиб цIар абулеб?
– Суратул «Сулайман» абун.
