Нужее баяналъе
Нужее баяналъе
1. ТIоцебе тасаввуфалъул хIакъалъулъ хъвараб тIехьлъун щиб рикIкIунеб?
– Имам Къушайрил «Рисалатул Къушайри» абураб тIехь.
2. Имам Къушайри кида гьавурав?
– 376 гьижрияб соналъ.
3. Авараглъи кьун хадуб Аварагас ﷺ Маккаялда чан соналъ гIумру гьабураб?
– 13 соналъ.
4. ТIоцебе хIадисалъул тIехь лъица данде гьабураб?
– Имам Зугьрияс.
5. Имам Тирмизи кида накълулъарав?
– 279 гьижрияб соналъ.
6. Щиб заманалда Къуръан рещтIараб?
– Рамазан моцIалъул Лайлатул Къадриялъул сордоялъ.
7. ТIоцебе лъица абураб Къуръан данде гьабизе кколин абун?
– ГIумар-асхIабас.
8. ХIеж абураб рагIул магIна щиб кколеб?
– Къасд гьаби.
9. Щиб соналъ хIеж тIадаблъун гьабураб?
– 9-абилеб гьижрияб соналъ.
10. Сулайман аварагасул заманалда букIараб хIинчI щиб?
– Гьудгьуд.
11. ЧIужугIаданалъул жигьад щиб кколеб?
– ХIежгун гIумра.
12. Къуръаналда бищун гIемер такрарлъараб калима щиб кколеб?
- Аллагь абураб калима. Гьеб такрарлъана 2640 нухалъ.
13. ТIоцебе кьучIал хIадисал данде гьарурав чи щив вукIарав?
– Имам Бухари.
14. Фикъгьияб «Мингьаж» тIехьалъул автор щив?
– Имам Навави.
15. КагIбаялъув щив гьавурав?
– ХIаким ибн Хизам.
Шамил МухIаммадов
