Нужее баяналъе
Нужее баяналъе
1. Аварагасул ﷺ эбел-инсуда цIар щиб букIараб?
– Инсуда - ГIабдуллагь, эбелалда - Аминат.
2. Авараг ﷺ гьавураб соналда щиб цIар лъун букIараб?
– «Пилалъул сон» абун.
3. Щай гьединаб цIар лъураб?
– Гьеб соналъ Абрагьат, пилалги рачун, КагIба биххизе вачIунев вукIана. Кинниги Аллагьас ﷻ гьев гьелдаса гьукъана хIанчIиги тIаде тIамун.
4. Аварагасе ﷺ МухIаммад абун цIар лъица кьураб?
– Гьесул кIудияв инсуца, ай ГIабдулмутIалибица.
5. ГIабдулмутIалибица щай гьединаб цIар кьураб?
– Аллагьас ﷻ гьесде илгьам гьабун кьуна.
6. Имам КъуртIуби кида гьавурав?
– Гьижрияб 600 соналъ.
7. Кида дунял тун арав?
– Гьижрияб 671 соналъ.
8. ХIалиматил доба Аварагас ﷺ чан сон бараб?
– Щуго сон.
9. Аварагасул ﷺ эбел накълулъун хадуб Авараг ﷺ хьихьизе тIаде лъица босараб?
– ГIабдулмутIалибица
10. ГIабдулмутIалиб хун хадуб Аварагасул ﷺ чан сон букIараб?
– 8 сон.
11. КIудияв эмен хун хадуб Авараг ﷺ хьихьизе лъица тIаде босараб?
– Инсул вац Абу ТIалибица.
12. Авараглъи кьезегIан цебе Маккаялда Аварагасе ﷺ кинаб цIар кьун букIараб?
– Амин абун (божизе бегьулев чи).
13. КIиго нуралъул бетIергьан щив?
– ГIусман бин ГIаффан.
14. Муса аварагасул тIоцебесеб мугIжизат щиб букIараб?
– ГIанса борхьиде свери.
15. Бищун халатаб гIор щиб?
– Нил.
