Нужее баяналъе
- Чан авараг вукIарав?
– Бергьараб рагIиялда рекъон – 124000.
- ВахIю босун вачIунев малаик щив вукIарав?
- – ЖабрагIил.
- Абу Ругъан щив чи кколев?
– Абрагьамие Маккаялде нух бихьизабурав чи.
- Сура «ВакъигIат» абун цIар щай кьураб?
– ВакъигIат абун авалалда рехсеялъ ва Къиямасеб къоялъул бицунеб букIиналъ.
- Бащдаб Къуръаналда бащалъулеб сура щиб?
– Сура «Залзалат».
- Ибну ГIасакир кида гьавурав?
– 499 гьижрияб соналъ.
- ГIалимзабазул султIан абун лъида абулеб?
– ГIизудин ГIабдусаламида.
- ГIараб мацIалда тажвидалъул магIна щиб?
– Берцин гьаби.
- Тажвид гIелмуялъул мурад щиб?
– МацI цIуни, ай Аллагьасул ﷻ тIехьалда жаниб гъалатI гьабиялдаса.
- 10 соналъ аварагасе ﷺ хъулухъ гьабурав асхIаб щив вукIарав?
– Анас ибну Малик.
- Тавбу ва гьелда релъарал рагIаби Къуръаналда чан нухалъ рехсарал?
– 83 нухалъ.
- Туснахъалда вугеб мехалъ Юсуф аварагас щиб гьабулеб букIараб?
– Туснахъалъур ругел ТIадегIанав Аллагьасе ﷻ гIибадат гьабизе ахIана.
- Аварагас ﷺ щив витIун вукIарав ансаразухъе гьезда ислам малъизе?
– МусгIаб бин ГIумайр.
- Тушманасул рокъоб тарбия щварав авараг щив вукIарав?
– Муса авараг.
- Щай ТIадегIанав Аллагьас ﷻ Къуръаналда рехсарал аварагзабазул къисаби?
– Нилъее пайдалъун ва дарслъун рукIине.
Шамил МухIаммадов
