Нужее баяналъе
- Сура «Наср» рещтIиндал Аварагас ﷺ щиб гьабураб?
– ГIемер такрар гьабуна гьал зикраби: СубхIанаЛлагьи валхIамдулиЛлагьи, астагъфируЛлагьа ва атубу илайгьи абун.
- «Нуралъул бетIер» абураб тIокIцIар лъие щвараб?
– ТIуфайл бин ГIамр Ддавсие.
- Щив аварагасул чIужу Къуръаналда рехсарай?
– Муса аварагасул.
- Бану исраилазул ахирисев авараг щив вукIарав?
– ГIиса авараг.
- Чан соналъ Аюб авараг балагьалде ккун вукIарав?
– 18 соналъ.
- Кинавниги чан асхIаб вукIарав?
– Бергьараб рагIиялда рекъон, лъаларо. Щайин абуни, Авараг ﷺ витIаралдаса байбихьун накълулъизегIан гIемерал чагIаз ислам босулеб букIиналъ. Амма ахирисеб Аварагасул ﷺ мажлисалда 124 азаргогIанасев асхIаб вукIанин абун рехсон буго.
- ТIоцебе кьучIал хIадисал данде гьарурав чи щив вукIарав?
– Имам Бухари.
- Фикъгьияб «Мингьаж» тIехьалъул автор щив?
– Имам Навави.
- Хварал чагIи чIаго гьаризе кIолеб макъам щив аварагасе кьун букIараб?
– ГIиса аварагасе.
- Аварагасул ﷺ тIоцеесей ясалда цIар щиб букIараб?
– Зайнаб.
- Бусурбанчиясе къиямасеб къоялъ кинаб кIиго сураялъ рагIад гьабулеб?
– «Ал-Бакъараялъ» ва «ГIимраналъ».
- Азарго аяталда бащалъулеб сура щиб кколеб?
– Сура «Такасур».
- ГIибадат абун щиб сураялда абулеб?
– Сура «Кафируналда».
- Къуръаналда «Жиндие ритIухъай» абун еццарай чIужугIадан щий кколей?
– Марям.
