Нужее баяналъе ЛЪАЛИЩ НУЖЕДА?
Къуръан - бищун тIадегIанаб ва хирияб тIехь
Къуръан цIалиялдалъун нилъер ракIал рацIцIад гьарула ва иман щула гьабула. Къуръан ккола мугIжизат, ай жинца гIадамал гIажаиблъизарулеб.
Гьаниб гъоркьехун рехсолел руго Къуръаналда хурхарал цо-цо суалал ва жавабал.
– Къуръан абураб рагIиялъул магIна щиб кколеб?
– ЦIали абураб магIна буго.
– Зодоса рачIарал щал тIахьал рехсарал Къуръаналда?
– Таврат, Забур, Инжил, Ибрагьим ва Муса аварагзабазухъе рещтIарал тIанчал.
– Къуръаналда чан сура бугеб?
– 114 сура.
– Чан нухалда Къуръаналда МухIаммад аварагасул ﷺ цIар рехсон бугеб?
– 4 нухалъ.
– Чан аят бугеб?
– 6236 аят.
– Кинаб сураялъ инсан цIунулев дажалил питнаялдаса?
– «ал-Кагьф» сураялъ.
– Бищун гIемер такрарлъулеб рагIи щиб?
- Аллагь абураб рагIи. Гьеб такрарлъула 2640 нухалъ.
– Къуръаналда чан рагIи бугеб?
– 77439 рагIи.
– Чан хIарп бугеб?
– 323015.
– Бищун хирияб аят щиб?
– Аятул Курси.
– Бищун халатаб сура щиб?
– «Бакъара».
– Бищун халатаб аят щиб?
- «Дайнун» абураб аят, (сура «Бакъара», аят 282).
– Бищун къокъаб сура щиб?
- «Кавсар». Гьелда жаниб буго лъабго аят.
– Ахиралда рещтIараб сура щиб?
- «Бараат».
– Ахиралда рещтIараб аят щиб?
- «Калалат», гьеб ккола «ан-Нисаа» сураялъул ахирисеб аят.
