Нужее баяналъе
– Алжан чан нухалъ рехсараб Къуръаналда?
– 137 нухалъ.
– Машгьурав нахIвиялъул гIалим мугIалимлъун имам Нававиясул щив вукIарав?
– Ибну Малик Андалуси.
– Сура «Бакъараялда» рехсарал мугIрул щал?
– Сафа ва Марва.
– ФиргIавнил тавбу Аллагьас ﷻ щай къабул гьабичIеб?
- Холеб мехалъ, кIанцIизе бакI тIагIиндал гьабулеб букIиналъ.
– Тавбу ва гьелда релълъарал рагIаби Къуръаналда чан нухалъ рехсараб?
– 83 нухалъ.
– Туснахъалда вугеб мехалъ Юсуф аварагас щиб гьабулеб букIараб?
– Туснахъалда ругел ТIадегIанав Аллагьасе гIибадат гьабизе ахIана.
– Аварагас ﷺ щив витIун вукIарав ансаразухъе гьезда ислам малъизе?
– МусгIаб бин ГIумайр.
– Аллагьасул ﷻ тушманасул рокъоб тарбия щварав авараг щив вукIарав?
– Муса авараг.
– Лъил горде рехсараб Къуръаналда?
– Юсуф аварагасул.
– Имам Муслим кида гьавурав?
– 206 гьижрияб соналъ.
– ГIиса авараг гьавидал гьесул тIоцебесеб калам кинаб букIараб?
– Дун Аллагьасул ﷻ лагъ вугин абураб.
– Муса аварагасул вазир щив вукIарав?
– Гьесул вац Гьарун, гьевги авараг вукIана.
