Нужее баяналъе

1. Имам ХIарамайниясул хIакъикъияб цIар щиб?

– ГIабдулмалик бин ГIабдуллагь бин Юсуф.

2. ГIиззуддин бин ГIабдусаламида лъица абураб гIалимзабазул султIанилан?

– Гьесул мутагIалимас, имам Такъиюддин бин Дакъикъица.

3. Сура «Инсаналъул» кIиабилеб цIар щиб?

– Суратул «Дагьр».

4. Салам абураб Аллагьасул цIар Къуръаналда чан нухалъ бачIараб?

– Цо нухалъ.

5. ТIоцебе Адам аварагасда рухI лъедал щиб багъарараб лагаялъул?

– Чинхъана.

6. «ГIаммаялъул» сураялда щиб пихъ рехсараб?

– ЦIибил

7. Юсуф аварагасул чан вац вукIарав?

– 11 вац вукIана.

8. ЯхIя аварагас кидал гIадамазда гьоркьоб хIукму къотIизе байбихьараб?

– ГьитIинго вукIаго.

9. ФиргIавнил тавбу Аллагьас щай къабул гьабичIеб?

– Холеб мехалъ гьабураб букIиналъ.

10. Чан нухалъ ФиргIанил цIар рехсараб Къуръаналда?

– 74 нухалъ.

11. Киб чIей букIараб Зулкъарнайил?

– Шамалда.

12. ТIоцебе Къуръаналда щив аварагасул къиса рехсараб?

– Адам аварагасул.

13. Гьарун кив гьавурав?

– Египталда.

14. Туснахъалда вугеб мехалъ Юсуф аварагас щиб гьабулеб букIараб?

– Туснахъалъул ругел ТIадегIанав Аллагьасе гIибадат гьабизе ахIана.

15. Тушманасул рокъоб тарбия щварав авараг щив вукIарав?

– Муса авараг.

16. Щай ТIадегIанав Аллагьас Къуръаналда рехсарал аварагзабазул къисаби?

– Гьезул къисабазда жаниб нилъее пайда ва дарс букIун.

ШАМИЛ МУХIАММАДОВ