Аслияб гьумералде

ГIумру халат гьабула

ГIумру халат гьабула

Бичасул аварагасул ﷺ кинабниги хIалтIи хурхараб букIана гIадамазул тIабигIатал лъикI-лъизариялда. Щайгурелъул, инсан жиндир тIабигIаталдалъун цIарав вугелъул квешал рахъазде.

 

Гьедин, ай тарбиялде цIачIого хутIанагIан гьесул тIабигIат лъугьуна гIалхулаблъун, гурхIел-рахIму гьечIеблъун, жиндаса загIипав гьалаг гьавизе гIищкъу цIикIкIаравлъун.

Хирияв МухIаммад авараг ﷺ БетIергьанас халкъалъухъе витIана гьезул тIабигIатал лъикIаб рахъалде гьетIизаризе, цоцада гурхIиялде ахIизе, ракьалда рекъел-маслигIат, цоцада гьоркьоб гьуинлъи ва рокьа-хинлъи цIуниялде халкъ бачине.

Бичасул аварагас ﷺ гьелъул хIакъалъулъ абуна: «Дун витIун вуго Аллагьас халкъалъул лъикIал тIабигIатал камил гьаризе», - ян.

ГIелмиял цIех-рехазул хIасилаздалъун Лос-Анжелесалъул UCLA абураб университеталъул гIелмиял хIалтIухъабаз чIезабуна лъикIаб тIабигIаб букIиналъ инсанасул гIумру халат гьабулеблъи. ЛъикIаб тIабигIат бараб буго инсанасул пикруялда, гьесул хьвада-чIвадиялда. ПалхIасил, гIалимзабаз гьабураб хIалтIиги данде босун балагьидал, бихьана лъикIаб тIабигIаталъ инсанасул гIумру халатаблъун ва парахатаблъун лъугьинабулеблъи.

 

ГIали МухIаммадов

2026-07-01 (МухIаррам 1448 с.) №13.


ЖамгIият лъикIлъиялде нух

Исламалъул бищунго кIвар бугел къиматазул цояб ккола инсанасе тарбия кьей. Гьеб хурхараб букIуна хьвада-чIвадиялъул къагIидабазда гуребги, рухIалъул жанисеб рацIцIалъиялдаги, ракI бацIцIад гьабиялдаги, лъикIаб хасият гIуцIиялдаги. Ахир-къадги тарбия ккола инсан жамгIияталда вухьинавулеб, цогидазе...


Иблисалъе вокьулев

БетIергьан Аллагьас ﷻ инсанасулъ рижун руго реццарал ва какарал тIабигIатал. Реццарал тIабигIатал Аллагьас ﷻ кьурав чиясда тIадаб буго гьезухъ шукру гьабизе, амма какарал тIабигIатал ругони, гьес кIвараб хIаракат гьабизе ккола гьел тIагIинаризе.   Бахиллъи, къарумлъи, барахщи – гьал...


ГIибадатлъун жиб кколеб

ДугIа ккола инсанасдаги Аллагьасдаги гьоркьоб бугеб рухIияб кьо. Кьоялда тIасан цогидаб рахъалде щвезе кIолебгIадин, гьанибги Аллагьасде ﷻ ахIи базе ва Гьесде гIагарлъизе кIола.   Аварагасул ﷺ хӀадисалда буго: «ДугӀа ккола гӀибадаталъул нах», - ян (ат-Тирмизи). ДугӀаялъул...


Черхалъул хIал баччулеб

ХIатIил кӀудияб килищ гӀицӀго килищ гуро.   Гьеб чIола тӀолабго черхалъе балансировка хӀисабалда, ай гьелъ тIубараб черх чIезабула битIун, чи дове-гьаниве вортун унаредухъ. ГьитIинаб лага букӀаниги, гьелъ черхалъул 40 процент гӀанасеб къадар жиндаго баччула. Гьеб гьечӀони нилъехъа ритӀун...


Суал-жаваб

МагIарухъ цIад балеб мехалда, гонгидаса чвахараб лъим данде гьабула ва рокъоб къваригIаралъе хIалтIизабула. ТIохда хIанчIазул рак камуларелъул, лъазе бокьилаан гьединаб лъим черх чуриялъе, какичуриялъе хIалтIизабизе бегьулищали? ШафигIил мазгьабалъул машгьурав гIалимчиясул «ХIашиятул Къалюби...