Калам къокъал, магIна гъваридал аварагасул ﷺ рагIаби
Бичасул аварагас ﷺ абуна:
– Заманалдасан гIадамал жидерго эбел-инсуда
релълъуна.
– ГIадамал руго лъикIлъигун квешлъиялъул магIданал.
– Ниж руго аварагасул ﷺ рукъалъул агьлу, нижеда цогидал рорцунаро.
– Ниж руго ГIабдулмутIалибил лъимал, алжаналъул сайидал.
– Мунагьалда пашманлъи тавбу буго.
– Руччаби шайтIаналъул чан гьабулел алатал руго.
– Бищун лъикIав дурц хоб ккола.
– Муъминчиясул ният лъикIаб буго гьесул гIамалалдаса.
– Сайгъаталъ хIакимасул квешаб бер бецц гьабула.
– Эбел-эмен дур алжангун жужахI ккола.
– Ургъел ккей бащадаб херлъи буго.
– Дида гIадамал ратана, хIалбихьани дур гьезде ццим бахъунеллъун.
– Живго цохIо вукIин лъикI буго квешав чигун гIодов чIеялдаса.
– Рокьа-хинлъиги тушманлъиги ирсалъе щолеб жо буго.
– ВарагI буго гIамалалъул сайид.
– Лъимер буго рекIел пихъ.
– КIудияб балагь буго Аллагьасул щакдарулезе.
– «Ла илагьа иллаллагь» - Аллагьасул хазинабаздаса хазина буго.
– Иман гьечIо аманат гьечIесул.
– Дир уммат къосеналда данделъиларо.
– Какда цояв цоясдаса цеве кIанцIуге, гьедин гьабуни нужер ракIалги цоцадаса тIела.
– Дунялалде хьандоге нуж, гьеб буго муъминчи тIад рекIунеб жо.
