Калам къокъал, магIна гIемерал аварагасул ﷺ рагIаби
Калам къокъал, магIна гIемерал аварагасул ﷺ рагIаби
Бичасул аварагас ﷺ абуна:
– Унго-унгояб сабру ккола балагь тIаде щвараб сагIаталда гьабураб.
– Аллагьасе гIоло кинаб бугониги жо дуца тани, гьелъул бакIалда Аллагьас хисун кьола жеги лъикIаб.
– Нужеда бажариларо гIадамал гIарцудалъун, ай боцIудалъун разилъизарун. Нужерго лъикIал тIабигIатаздалъун рази гьаре гьел.
– ХIакъалъул бетIергьанасе рагIиги буго.
– ГIамалазул къабул гьари ва гьезухъ кири ниятазде балагьун буго.
– Даран буго кIиялго разилъун букIунеб жо.
– ГIелму щола лъазабун, хIалимлъи букIуна цогидазул захIмат баччиялдалъун.
– Чиясе къимат кьола гьесул гьудуласухъ балагьун, щивав балагье лъилгун гьалмагълъи гьабулеб бугебали.
– Каламалъул пасихIлъиги сихIруялъул бутIа буго.
– Дун вуго гIелмуялъул шагьар, ГIали вуго гьелъул рагьу.
– Мунги дур боцIи-магIишатги дур инсул руго.
– Дуца лъикIлъи гьаби дуего лъикIаб буго.
– ГIадамаздехун щивасул даражаялда рекъараб гьабе гьоркьоблъи.
– Мун балагье гьесда жаний мун щиб къиматалда йигищали, рос ккола дур алжанги жужахIги.
– Дица нуж нахъчIвалел руго «гьадин абуна, додин абун рагIула» абиялдаса ва гIемерал суалал кьеялдаса.
– Нуж кантIе, Аллагьасе гIасилъигун Гьесул махлукъасе мутIигIлъизе бегьуларо.
– Ислам буго лъикIаб тIабигIат.
