Калам къокъал, магIна гъваридал аварагасул ﷺ рагIаби

Бичасул аварагас ﷺ абуна:

– Муъминчиясулгун гурони гьалмагълъиги гьабуге, дур тIагIамги Аллагьасукьа ﷻ хIинкъарас гурони кванаге.

– Жиндир дудехун бугеб бербалагьи дур гьесдехун бугебгIадаб гьечIесулгун гьалмагълъиялъул пайда гьечIо.

– Цогиясеги гьабиларо зарал, жиндие гьабуралъухъ дандеги гьабиларо жиндие гьабуралдаса цIикIкIараб зарал.

– Аллагьасде гIасилъигун махлукъасе мутIигIлъизе бегьуларо.

– Тадбир гьабигIанасеб гIакълуги гьечIо, цIунун чIейгIадаб варагIги гьечIо ва тIабигIат берцинлъигIадаб тIадегIанлъиги гьечIо.

– Пакъирлъиялдаса кIудияб язихълъи гьечIо.

– ГIакълуялдаса лъикIаб магIишат гьечIо.

– Живго жиндаго берцин вихьиялдаса кIудияб янгъизлъи гьечIо.

– Инсанасе рихараб жо тIаде бачIинабуларо квералъ гурони.

– Бусурбанчиясе хIалалаб гьечIо цогидав бусурбанчи хIинкъизавизе.

– Бихьинал лъикIал ругеллъун тIаса унаро руччабазе мутIигIлъичIебгIан заманалда.

– ГIадамазе щукру гьабуларес Аллагьасеги гьабуларо.

– Къадаралдаса рорчIуларо цIунун чIеялъ.

– Инсанасда цого картIинисан кIицIул хIанчIуларо.

– Аллагьасукьа хIинкъаразул къокъаялдаса инсан лъугьунаро къваригIел гьечIеб гьеб бугелдехун тезегIан.

– Нужер цонигияс камилаб иман лъоларо жиндиего бокьулеб жо цогидав вацасеги бокьичIони.

– Нужер цонигияс камилаб иман лъоларо диде рещтIараб жоялда нахъвилълъун гурони.

– Нужер цонигияс камилаб иман лъоларо ракIги мацIги цадахъ рекъани гурони.

ГIабдуллагь МухIаммадов