Ражаб моцI

ТIадегIанав Аллагьас ﷻ цо-цо къоял ва гьединго моцIал, цогидал моцIаздасаги хирияллъун гьаруна. Гьедин хира гьарурал моцIаздасан ккола Ражаб моцIги. Гьеб хирияб букIин Аварагасул ﷺ хIадисаз ва гIалимзабаз гIемер бицунги буго. Ражабалда Аллагьасул ﷻ моцIиланги абула.

Исламияб календаралда гьеб ккола анкьабилеб моцI. «Ражаб» абураб рагIиги «ар-ружуб» абураб рагIиялдаса бачIун буго. Гьелъул магIна ккола тIадегIанлъизаби ва кIодо гьаби абураб. Хирияв Аварагасул ﷺ МигIражгун Исраъги Ражаб моцIалъ букIана.

Имам Ал-Фашнияс «ТухIфатул ихван» абураб тIехьалда хъван буго: «МухIаммад аварагас ﷺ абуна: «Ражаб моцI – Аллагьасул моцI ккола, ШагIбан моцI - дир моцI ккола ва Рамазан – дир умматалъул моцI ккола», - ян

Ражаб Аллагьасул ﷻ моцI бугин абурал Аварагасул ﷺ рагIабазул хIикматги ккола, гьеб моцIалъ Аллагьасде ﷻ вуссун тавбу гьабурасе ТIадегIанас ﷻ мунагьал чурила щивго шафигIги гьечIого. ШагIбан моцIалъ тавбу гьабун вуссарав Аварагасул ﷺ шафагIаталде хIажалъила, ай Аллагьас мунагьал чурила хирияв Авараг ﷺ гьесдасан рази вукIаго. Рамазан моцIалъ вуссарав муъминзабазул шафагIаталде хIажалъила», - ян.

Имам Найсабурияс абуна: «Гьаб цебе рехсараб дида лъабго рукъ жаниб бугеб хIамамалда релълъун бихьула. ТIоцебесеб хIамамалъуве Аллагьасул ﷻ лагъ лъугьуна ва дагьаб мехалъ гIодов чIун хадуселде лъугьуна ва гьенисанги лъабабилелъуве лъугьуна. Цинги вацIцIалъун, берцинаб хIалгун гьениса къватIивеги вачIуна. Ражаб моцI мунагьал чуриялъул моцI ккола, ШагIбан - салаваталъул моцI ккола ва Рамазан - хирияб Къуръаналъул моцI ккола», - ян.

Имам ШафигIиясул мазгьабалъул гIалимзабазул цояз абуна Рамазан моцIалда хадуб Ражаб моцI кколин бищун хирияблъун абун. Амма гIемерисел гIалимзабаз абуна МухIаррам кколиланги.

Имам Нававияс бицана: «Абу Давудил «Сунаналда» хъвалеб буго хирияв Аварагас ﷺ хIарамал моцIаз (ЗулхIижа, ЗулкъагIида, МухIаррам, Ражаб) кIал кквезе лъикIаблъун бихьизабуна. Ражаб моцIги гьезул цояб ккола. Аллагьасда ﷻ лъикI лъала», - ян.

Имам Зайнудин Ал-МахIдумица «ФатхIул МугIин» абураб тIехьалда хъвалеб буго: «Рамазан моцIалда хадуб кIал кквезе бищун лъикIал моцIаздасан ккола хIарамалъул моцIал. Гьезул бищун хириябги МухIаррам, хадуб - Ражаб, хадуб - ЗулхIижа, хадуб - ЗулкъагIида, хадуб - ШагIбан моцIги», - ян.

Жабир Мажидов

2026-09-15 (РабигIул ахир 1448 с.) №18.

Авараг гьавураб сон щиб сон букIараб? – Пилалъул сон. Пилалъул сон абун щай гьелда цIар тараб? – Гьеб соналъ Абрагьат аскаргун ва пилалги рачун КагIба биххизе вачIун вукIана. Аварагасе ﷺ кьураб бищун кIудияб мугIжизат щиб букIараб? – Къуръан. Муса аварагасул...

Дагъистаналъул муфти, шайих АхӀмад-афандица, ГӀиса аварагасул цIаралда бугеб централда къабул гьавуна Гъарабудахкент районалъул Параул росулъа гӀараб каллиграфиялъул устар Аширлаев Сулейман. Гьес сайгъат гьабуна хирияб Къуръаналъул жинцаго квералъ хъвараб, цогидаздаса батӀияб нусха. ГӀага-шагарго...

Гьале тIаде щвана цIалул заман. Киналго лъимал школаздеги, студентал цIалул идарабаздеги хьвадун байбихьула жидерго лъай цIикIкIинабизе. Исламалда лъай тIалаб гьабиялде кьола бищун цIикIкIун кIвар. Гьелде тIоритIел гьабулел аяталгун хIадисал гIемерал руго. Цересел номеразда гьелъул хIакъалъулъ...

Жинда Аллагь разилъаяв ГIумар-асхIаб исламалде вачIун хадуб, бусурбабазда бугеб хIал бихьун гьесул ракI хIалхьун букIинчIо. Бусурбабаз ислам боси балъго гьабулеб букIараб заманалда ГIумар-асхIаб Аварагасухъе ﷺ вачIана ва абуна: «Я, Бичасул Авараг ﷺ, нилъ битIараб нухда гьечIищ, хваниги чIаго...

Щибаб санайил дунял квачазе байбихьидал, цIикIкIуна вирусалъулаб инфекциялъ (ОРВИ) унтаразул къадар. Хасго гIадамал унтула хаслихълъиялдаса бахъараб ихдалил байбихьуде щвезегIан. Гьединлъидал гьеб заманалда жаниб кIвар бугеб жо ккола унтул аслиял гIаламатал лъай. ОРВИ ккола батIи-батIиял...

Ражаб моцI