Кьижизеги лъай
Исламалъ кIудияб кIвар кьола гIумруялъул щибаб лахIзаталда Аллагь ﷻ ракIалде щвезавиялде. МухIаммад аварагас ﷺ нилъее тун руго гьел лахIзатаздаги гьаризе лъикIал дугIаби. Гьел дугIабаз ТIадегIанав Аллагьасулгун ﷻ бухьен щула гьаби гуребги, инсан квешаб макьидасаги цIунула.
Макьидаса ворчIидал цIалила:
“الحَمْدُ لِلَّهِ الذي أحْيَانَا بَعْدَ ما أمَاتَنَا وإلَيْهِ النُّشُورُ”
МагIна: «Ниж хун хадуб чIаго гьавурав Аллагьасе ﷻ рецц буго, гьесде буго хваралъуса руссинги».
ГIумруялъулъ ва хвалилъ битIккеялъул дугIа:
“اللَّهُمَّ أحْيِنِي ما كانَتِ الحَياةُ خَيْرًا لِي، وتَوَفَّنِي إذا كانَتِ الوَفاةُ خَيْرًا لِي”
МагIна: «Я Аллагь, дие гIумру лъикI батани, гIумру кье, хвел лъикI батани, хIалхьи кье».
РухI тIадбуссинабиялъухъ баркалаялъул дугIа:
“الحمدُ لله الذي رَدَّ عليَّ رُوحي وعافاني في جسدي، وأذن لي بذِكره”
МагIна: «Аллагьасе рецц буго дир рухI диде буссинабурав, дир черх сах гьабурав, жив ракIалде щвезавизе рес кьурав».
Макьидаса хIинкъун ворчIидал цIалулел дугIаби:
“أعوذُ بِكلِماتِ اللَّهِ التامَّةِ من غضبِهِ وعقابِهِ وشرِّ عبادِهِ ومن همزاتِ الشَّياطينِ وأن يحضُرونِ
МагIна: «Дица Аллагьасдалъун ﷻ цIуни гьарула Аллагьасул ﷻ камилал рагIабаздалъун Гьесул ﷻ цциналдаса ва тамихIалдаса, Гьесул ﷻ лагъзадерил квешлъиялдаса ва шайтIабазул ишаздаса, гьел дихъе рачIинчIого рукIине».
Цоги дугIа:
“اللهم إني أعوذ بك من كل سوء”
МагIна: «Я дир Аллагь ﷻ, дица цIуни гьарула кинабниги квешлъиялдаса».
Кьижизе рахунаго суратул «Ихлас» (Къулгьу) ва кIиябго къулагIузаби цIализеги суннатаб буго.
Кьижилалде цебе цIалулеб дугIа:
“سُبْحَانَكَ اللَّهُمَّ رَبِّي بكَ وَضَعْتُ جَنْبِي، وَبِكَ أَرْفَعُهُ، إنْ أَمْسَكْتَ نَفْسِي، فَاغْفِرْ لَهَا، وإنْ أَرْسَلْتَهَا فَاحْفَظْهَا بما تَحْفَظُ به عِبَادَكَ الصَّالِحِينَ”
МагIна: «ТIадегIанав вуго дир Аллагь ﷻ, дир БетIергьан. Дудалъун хьибил гIодоб лъола, Дудалъун дун тIадеги вахъуна. Дуца ﷻ дир напс ккун батани, Мун ﷻ гьелда тIаса лъугьа. Дуца гьеб биччан тани, цинги гьеб цIуне Дурго ﷻ ритIухъал лагъзал цIунулеб жоялдалъун».
ТIадегIанав Аллагьас ﷻ нилъер дугIа къабул гьабеги. Амин!
