ТӀолгодунялалъул хӀижабалъул къо
Дунялалъул гӀемерал улкабазда машгьураб байрам буго гьеб. Гьеб къо кӀодо гьабулел гӀадамазул аслияб къадар бусурбаби рукIаниги, цогидал диназул гӀадамазулги гьеб байрамалде интерес букӀуна. ХӀижаб ккола бусурбабазул руччабазул ретӀел-хьиталъул сипатазул цояб.
ЧӀужугӀадан хӀижабги ретӀун халкъалда цее яхъиналда тIасан букIуна батӀи-батӀиял харбал. Цоязе гьелъул щибго ургъел букIунаро, цогидаз гӀажаиблъи гьабун, хадуб балагьулел рукIуна. Цо-цоязулъ, хӀижаб ретӀарай чӀужугӀадан халкъалда цее, хӀалтӀуда яги школалда йихьиялъ, тушманлъи, ццим бахъин бижизабулеб букӀуна.
Гьел дандеккунгутӀаби хӀалу-цинарун руго халкъазда гьоркьосеб терроризм цӀикӀкӀиналъ ва гьезул вахIшиял ишал гIемерлъиялъ.
Насраниязул ва бусурбабазул вакилзаби цоцалъ рекъон рукӀине нух балагьизе Европаялда захӀмат буго, батӀи-батӀиял миллатазул ва диназул вакилзабазул гьоркьорлъаби гӀасрабаз чӀезарурал ва гӀуцӀарал Россиялда дандеккун.
Ригьалде рахаразда жеги бажарулеб бугониги батIи-батIияб культура загьирлъи, хасго диниял пикрабазда хурхарал, берцинго къабул гьарун, гIолохъанаб гIелалъул сверухълъиялда гьелъ хӀасил кьезе бегьула дагIба-рагIиялде бачараб.
Халкъалда гьоркьоб бугеб гьеб бичIчIунгутIи сабаблъун ккана Америкаялъул школалъул цIалдохъан, хадуб студенткалъун яхъарай Бангладешалдаса Назма Ханил къисмат. Гьединаб хIалалда бан, балугълъиялде яхарай гьей гӀаданалъул пикру ккана, ТӀолгодунялалъул хӀижабалъул къо, байрам хIисабалда, тIобитIизе кколин абураб пикру загьир гьабизе.
Гьеб тадбир гӀуцӀиялдалъун Назма Ханил мурад букӀана хӀижаб ретӀи террористияб гӀуцӀиялъул яги цо хасаб мазгьабалъул гӀаламат гуреблъи бихьизаби.
2013 соналда байбихьараб Назма Ханил хIаракат тӀибитӀана киса-кибего. Жакъа ХӀижабалъул къо кӀодо гьабула бусурбабазул улкабазда, гьединго, Россиялъул цо-цо регионазда.
