ХӀижабалъул фестиваль
Гуманитариябгун педагогикияб колледжалда тӀобитӀана хӀижабалъул къоялда хурхун байрам. Школалъул нухмалъиялъул гьариялда рекъон, гьеб тадбир гӀуцӀана ДРялъул муфтияталъул руччабазул лъай кьеялъул управлениялъ.
Байрамалъул программаялда рукӀана нашидал ахIулезул церерахъинал, интерактивиял презентациял, викторинаби ва хIижаб берцинго ретӀиялъул мастер-класс.
«Гьел гӀадал тадбиразул кӀудияб кӀвар букӀуна, щайгурелъул, гьез кумек гьабула ясазда хӀижабалъул гъваридаб бичӀчӀи щвезе», - ян абуна колледжалъул мугӀалим Хадижа ГӀабдулаевалъ.
Бусурбабазул руччаби цӀуниялъул ва эркенлъиялъул гӀаламат хӀисабалда хӀижабалъул тема баян гьабиялъ кумек гьабула гӀолилазе гьеб кӀвар бугеб динияб сипаталъул букӀине кколеб бичӀчӀи цебетӀезабизе.
