Цолъизарураб къец
Цолъизарураб къец
БатIи-батIиял миллатал цолъизарулеб, диналъул яцазда гьоркьоб гьудуллъи щула гьабулеб гIелмияб къец тIобитIана Казбек районалъул Дилим росулъ.
ИчIго районалъул руччабазул командабаз жидерго лъай загьир гьабуна СагIид-афандиясул «Аварагзабазул къисаби» абураб тIехьалда тIасан.
Гьоркьо-гьоркьор мавлидал ахIун, театралияб постановка бихьизабун, рекIее асар гьабуледухъ тIобитIана гьеб къецги. Руччабазул отделалъул нухмалъулез ва Дилим росдал имамас насихIаталгун вагIзабиги гьаруна гьенир.
Къецалъул хIасилал гьаридал тIоцебесеб бакI ккуна Казбек районалъул руччабаз. КIиабилеб бакIалде бачIана Нугъай районалъул команда ва лъабабилеб бакIалъе мустахIикълъана Хасавюрт районалъул диналъул яцазул команда.
