Аслияб гьумералде

Ингердахъ - руччабазул мадраса рагьана

Ингердахъ - руччабазул мадраса рагьана

Гьал къоязда мадраса рагьиялда хурхун рохалилаб мажлис тIобитIана ГIахьвахъ районалъул Ингердахъ росулъ.

 

Мунагьал чураяв Цевехъанил вас АхIмадица, жиндирго инсул букIараб мина кьуна мадраса базе. Гьеб цIигьабун базе хIаракат бахъана гьелъул байбихьуда имамлъун вукIарав Къурбанил Рамазаница. БатIи-батIиял гIиллабаздалъун дагьаб халат бахъаниги, гьале гьанже росу бакьулъ буго руччабазе бараб кIудияб мадраса.

Гьеб базе ва рагIалде бахъинабизе квербакъи гьабуна росдал гIадамазги Сулеймановазул хъизамалъги.

Мажлисаялда кIалъазе яхъарай Чакарица данделъаразда баркана цIияб мадраса рагьи ва абуна гIелму лъазабиялде кIвар кьезе ккелилан.

ГIемераб лъикIабщиналде кантIизарулеб вагIза-насихIат гьабуна росдал имам, МухIамадил вас Дибирица.

Ахиралда Хадижат мугIали-матуналъ росдал руччабазе данделъи гьабуна ва мадрасалде цIализе хьвадизе ругел руччабазул сияхI гIуцIана.

БукIана гьениб цо рекIее гIолареб жоги. БацIцIадаб магIарул мацI бицунеб росулъ мажлис гIурус мацIалда бачиналъе гIилла кинго бичIчIичIо. Хьул буго хадубккун гьедин букIине батиларин абун.

Мадраса базе кумек гьабуразе баркала загьир гьабун кIалъана руччабазул цеехъан ХIажиясул ПатIина, гьелъ киназего дугIаги гьабуна.

 

Эбечо ГIазизова

 

 

 

2026-09-15 (РабигIул ахир 1448 с.) №18.


Мадраса рагьана МагIлибги

Хьаргаби районалъул МагIли росулъ рагьана цIияб мадраса. Гьелъие цIарги кьуна Дагъистаналъул муфти, шайих АхIмад-афандиясул. Мадрасалда чIезарун руго киналго шартIал. Руго цIалул кабинетал, библиотека ва мутагIилзабазе хIажатабщинаб. Мадраса рагьиялъул хIурматалда тIобитIана динияб мажлисги....


Аллагьас ﷻ цIунула

Балагь, рекIее хIалхьи толарел ахIвал-хIалал ва захIмалъаби тIаде рачIуна нилъер щивасде. Гьаб дунялалъул рукъ гьедин гIуцIарабги буго. Амма нилъер гIумруялъул аслулъун бугеб мурад ва гьаб дунял жидее щиб бакI бугебали бичIчIи бугез дандчIварал къисматалъул киналго захIмалъаби къвакIун хIехьола....


Сапаралда кинав вукIарав Авараг ﷺ?

Сапар буго инсанасул гIумруялъул цо бутIа. Муъминзабазе гьеб ккола Аварагасдаса ﷺ мисал босун ТIадегIанав БетIергьанасде ﷻ гIагарлъизе рес щвейги. Нилъер Аварагас ﷺ нухда кинаб хьвада-чIвади букIине кколебали малъа-хъваял гьари гуребги, жиндирго мисалалдалъунги бихьизабуна сапаралда ругелъул...


КIудиял мунагьал

МацIихъанлъи гьаби ккола цо чияс абураб жо цогидасда бицин, гьелъ жинда бицарав чиясул жиндаса бицарав чиясдехун дагьабниги рокьукълъи, ракIхвей бижизабулеб бугони. Къуръаналда мацIихъан какун вуго. ХIадисалдаги буго мацIихъан Алжаналде лъугьинарин абун.   Гьел ккола Аллагьасул бищун ццим...


Авараг ﷺ лъай – гьев вокьи

Аллагьасул Аварагасде ﷺ бугеб рокьиялъ гьесул асхIабзабазул ракIазулъ хасаб бакI кколаан. Гьеб рокьи гьез загьир гьабулаан рагIудалъун ва пишабаздалъун гуребги Аварагасул ﷺ къадру цIунулел, гьесул лъикIлъаби рицунел, гьесул тIокIаб гIамал-хасият беццулел шигIрабаздалъунги.   АсхIабзабазда...