Аслияб гьумералде

Акнада - цIияб мажгит

Акнада - цIияб мажгит

Гъизилюрт районалъул Акнада росулъ тIобитIана цIияб авал-мажгит рагьиялда бан мажлис.

ГIолохъанго къадаралде щварав Акнадаса ГIалиев Расулил цIар лъураб авал-мажгит рагьиялъул мажлисалда гIахьаллъана ДРялъул муфтиясул кумекчи АхIмад-хIажи Надирбеков, муфтияталъул централияб округалда тарав вакил ГIумарасхIаб АрслангIалиев, росдал бегавул ГIумахан ГIалиев, Гъизилюрт шагьаралъул ва районалъул имамзабазул советалъул председатель МухIаммад-ГIариф Сиражудинов, гIалимчи ХIусенапанди Жамалов, Акнада росдал имам МухIаммад-хIажи МухIаммадов.

Гьединго мажлисалда гIахьаллъана СагIудиязул ГIарабиялъул Жидда шагьаралда вукIарав Россиялъул генералияв консул Багьавудин ГIалиев, машгьурал тохтурзаби АхIмад-хIажи ГIазизов, ГIали Абуязидов, ДРялъул Художниказул союзалъул нухмалъулев КъурбангIали МухIаммадов ва цогидалги.

100-ялдасаги цIикIкIун чияс цадахъ как базе рес бугеб кIитIалаяб мажгит рагьиялда бан гьабуна мавлид, бикьана садакъа. Акнада ккола цIумадисезул росу ва гьеб бана 1957 соналда Ведено районалдаса гочарал акнадисез, ангъидисез ва гIащасез. Жакъа гьеб росулъ буго 1200-ялдаса цIикIкIун цIа-раки.

2026-09-15 (РабигIул ахир 1448 с.) №18.


Къинал руччабазе малъа-хъваял

Лъимер гьабизе йигеб заман буго цIакъ кIвар бугеб гIуж. Гьеб заманалда, хасго чIужугIаданалъ, жиндирго сахлъи ва рацIцIалъи, кванил ва цогидалъулги низам цIунизе ккола. Гьединго халкквезе ккола тIад ретIунеб ратIлида хадубги. Лъимер ва жийго квачалдаса цIунизе ккола, тIадкъараб ретIел, угъдул...


Якутскиялда «Лъаялъул сордо»

Якутскиялъул аслияб мажгиталда тIобитIана МухIаммад аварагасул ﷺ хIурматалда «Лъаялъул сордо» абураб цIаралда гъоркь тадбир. Гьелда гIахьаллъи гьабуна ДРялъул муфтияталда цебе бугеб регионалияб цебетIеялъул департаменталъул нухмалъулев АхIмад Надирбеговас ва гьесул заместитель ГIизраил...


Президентас ХасмухIаммадида баркана

Россиялъул президент Владимир Путиница баркана Дагъистаналъул хӀурматияв инсан, 95 сон тӀубарав ХасмухӀаммад Абубакаровасда гьавураб къо. Дагъистаналъул кӀудияв эменин абула гьесда гьев лъалел чагӀаз. Гьесул гӀумру буго къвакӀиялъул ва исламалъе хъулухъ гьабиялъул мисаллъун. Гьес гӀумру гьабуна...


ГIибадат гьабизе рес

ХIурматиял бусурбаби, гьале тIаде щвана хаслихълъиялъул къоял. БагIарараб рииги тIаса ун, гьогьомиялъ кверщел гьабуна ракьалда. Гьайгьай, сордоги кIодолъана, къоги саламатго гьитIинлъана. ГIибадат гьабизе заманги лъикIаланго эркенлъана.   БагIарараб риидалил гьитIинаб сордо бугеб мехалда...


Муфти дандчIвана Сулеймангун

Дагъистаналъул муфти, шайих АхӀмад-афандица, ГӀиса аварагасул цIаралда бугеб централда къабул гьавуна Гъарабудахкент районалъул Параул росулъа гӀараб каллиграфиялъул устар Аширлаев Сулейман. Гьес сайгъат гьабуна хирияб Къуръаналъул жинцаго квералъ хъвараб, цогидаздаса батӀияб нусха. ГӀага-шагарго...