«АхIулгохI - лъаялъул тIогь»
«АхIулгохI - лъаялъул тIогь»
12 азаргоялдаса цIикIкIун чи данделъун вукIана «АхIулгохI - лъаялъул тIогь» абураб цIаралда гъоркь ДГИялъгун муфтияталъ гIуцIараб тадбиралда.
Гьенир кIалъазе рахъана диниялгун жамгIиял хIаракатчагIи, хIукуматалъул идарабазул хIалтIухъаби, ДГИялъул нухмалъулел. Мажлисалда гIахьаллъи гьабурав Дагъистаналъул муфтиясул наиб АхIмад МухIаммадовас бицана гIелму цIалиялъул кIваралъулги хиралъиялъулги хIакъалъулъ.
Унсоколо районалъул бетIерасул заместитель Жамал Шамсудиновас баркала загьир гьабуна мажлисалда гIахьаллъи гьабурал киназего. Гьединго абуна лъай бугеб жамгIияталъул гIумру-яшавги цебетIураб букIунин абун.
«Тарихалъул каваби» абураб тарихиял лъугьа-бахъиназул цIех-рехазул централъул нухмалъулев Мурадулагь Дадаевас бицана АхIулгохIалъул къисматалъул, гьенир ккарал тунка-гIусиязулгун рагъазул хIакъалъулъ.
АхIулгохIда ккарал тарихиял хIужабазул, гIажаибал ва бахIарчиял лъугьа-бахъиназул, лъай кьеялъул къагIидабазул, хъизан гIуцIиялъул ва цIуниялъул къагIидабазул хIакъалъулъ лъикIал вагIза-насихIатал гьаруна цере рахъараз.
Гьединго данделъаразда рихьизаруна социалиял роликал ва имамасул тарихалдаса сценкаби.
