Аслияб гьумералде

Волонтеразул данделъи

Волонтеразул данделъи

Гъизилюрт районалъул Нечаевка росулъ тIобитIана Гъизилюрт шагьаралда «Ас-салам» казият тIибитIизабулел волонтеразул данделъи.

Гьениб гIахьаллъи гьабуна Гъизилюрт шагьаралъул имам МухIаммадгIариф Сиражудиновас, Дагъистаналда «Ас-салам» тIибитIизабиялъул отделалъул вакил МухIаммаднур Ибрагьимхановас, шагьаралда казият тIибитIизабиялъул отделалъул вакил ГIабдуллагь Дадаевас, шагьаралъул авал-мажгитазул имамзабаз ва шагьаралда «Ас-салам» казият тIибитIизабизе кумек гьабулел волонтераз.

Имам МухIаммадгIариф Сиражудиновас бицана данделъиялъул аслияб мурад диналъул вацал цоцада рихьи ва гьоркьоб рокьи цIикIкIинаби букIиналъул хIакъалъулъ.

«Исламалъе гIоло гьабулеб хIалтIуе гIурхъи букIунаро. Жакъа Аллагьас ﷻ дагIват гьабиялъе нилъее рес кьуралъухъ щукру гьабизе ккола. Муридзабазги цIакъ кIвар кьезе ккараб жо хатму-салават. Бокьилаан щивас хатму-салаваталде унаго рокъор ругел вацал ва гьудул-гьалмагъазаби цадахъ рачине», - ян абуна М. Сиражудиновас.

МухIаммаднур Ибрагьимхановас бицана, исламалъул хIалтIи цо чияс гьабулеб жо букIунарин. Щивав чиги дагIваталъул нухда вукIине кколин. Киналго цадахъ хIалтIани, хIалтIиги цебе тIолин абун.

Данделъилъул ахиралда М. Ибрагьимхановас волонтеразе баркала загьир гьабуна ва цIакъго лъикI хIалтIаразе шапакъаталгун сайгъаталги кьуна.

Жабир Мажидов

2026-09-15 (РабигIул ахир 1448 с.) №18.


Ракьулъ бижулеб гIурдахIан

Камъат (гIараб мацIалда факъгI абунги лъала, гIурус мацIалда трюфель) ккола ракьулъ бижулеб кваназе бегьулеб гIурдахIан. Хасго гьеб гIемер батула ГIагараб Машрикъалъул ва Шималияб Африкаялъул авлахъазул гIатIилъабазда, гьениб гьеб загьирлъула цIад бан хадуб. Гьеб гIажаибаб ракьалъул нигIматалъе...


Жиндаго тIад хIалтIи

Нилъеца гьарулел гIамалал ритIарал ругищали яги чиядехун гьабулеб гIамалалъулъ тохлъи биччалищали пикруго гьабулищ нилъеца? Мекъи рукIин лъалищ, къабул гьабулищ, гьеб битIизабизе хIаракат бахъулищ?   Гьайгьай, гьелъул пикру гьабизе ккела. Лъазе ккола аварагзаби хутIизегIан, гунгутIабаздаса...


ГIажаибаб мугIжизат

Къуръан ккола жибго бищун кIудияб мугIжизат. Ва щибаб нухалъ гьеб лъазабидал гIажаиблъизеги гьарула. Гьелда жаниб географиялъулги хIикматал руго.   Аллагьас ﷻ Къуръаналда абуна: وَهُوَ الَّذِي خَلَقَ اللَّيْلَ وَالنَّهَارَ وَالشَّمْسَ وَالْقَمَرَ كُلٌّ فِي فَلَكٍ يَسْبَحُون   МагIна:...


РакI чIаго гьабулеб

Гьаб заманалда гIемерисеб мехалда дунялалъул ишазда сверун лъугьун рукIиналъ нилъ лъугьунел руго аслияб иш кIочон толеллъун. Нилъер ракI буго черх чIаго гьабун би жиндасан сверулеблъун гуребги иманалъул ракIбацIцIалъиялъул унго-унгоял бусурбабазул хасияталъул бакI ва нилъ Халикъасда ﷻ хурхинарулеб...


Щай рахъунел?

Мавлид ахIулеб заманалда бусурбабазда гьоркьоб машгьураб гIадат буго, МухIаммад авараг ﷺ гьавураб лахIзаталъул ахIулелъул, киналго тIаде рахъунеб. Гьебги гьабула Аллагьасул Расул вокьиялъул, рохелалъул, гьесие гьабулеб адаб-хIурматалъул гIаламат хIисабалда.   Гьеб гIадат къабул гьабурал...