Аварагасул ﷺ шафагIат

Аварагасул ﷺ шафагIат

МухIаммад авараг ﷺ ккола бищун гIемер шафагIат жинца гьабулев, жиндир шафагIатги Аллагьас ﷻ къабул гьабулев инсан. Бищун кIудияб шафагIатги ккола гьесда хасаб.

Къиямасеб къоялъ махIшаралда кIанцIизе бакI тIагIун, гIадамал Адам, НухI, Ибрагьим, Муса, ГIиса аварагзабазухъе рортула жидее шафагIат гьабейин, жидедаса къварилъи борхейин, жидер хIисаб-суал гьабизе изну кьеян Аллагьасда гьез гьаризе букIине. Гьел шафагIат гьабизе хIинкъула. Киназго МухIаммад аварагасухъе ﷺ ритIула. Гьев ГIаршалде гъоркьеги ун, суждаялдаги чIун, лъицаго, кидаго гьабичIеб гIадаб Аллагьасе ﷻ реццги гьабун, Аллагьасда ﷻ гьарула махIшаралъул халкъалъе хIисаб-суал гьабизе изну кьеян. ТIадегIанав Аллагьас ﷻ гьесул шафагIат къабул гьабула. Гьеб мехалъ цересезги нахъисезги, жиназги инсазги, малаикзабазги МухIаммад аварагасе ﷺ рецц гьабула. Гьеб ккола ТIадегIанав Аллагьас ﷻ гьесие Къуръаналда къотIи гьабураб «Макъамун махIмуд» абураб даража. Гьел гурел цогидал шафагIаталги руго нилъер хирияв Аварагасе ﷺ хасал.

ШафагIаталъул тайпаби

ШафагIаталъул тайпаби

микьго руго:

1. Къиямасеб къоялъул хIисаб-суал гьабизе ихтияр кьей.
2. Цо къавм хIисаб-суал гьечIого алжаналде ритIи.
3. ЖужахIалъе мустахIикъал гIадамал гьенире ритIичIого тей.
4. Аллагь ﷻ цо гьавулел гIадамал жужахIалдаса къватIире рахъи.
5. Алжаналъул даражаби цIикIкIинари.
6. ЛъикIал гIадамазул ккарал такъсирал тIаса лъугьун тей.
7. ЖужахIалде ккарал цо-цо капурзабазе гIазаб бигьа гьаби.
8. Мушрикиназул гIисинал лъималазе гIазаб кьечIого тей.

Гьеб хIавуз ккола моцIрол нухалъул гIатIилъи бугеб, бокIналги ращадаб, жиндир лъим рахьдадаса хъахIаб, мискалдаса махI гьуинаб, (гьацIудаса гьуинаб), зодор ругел цIвабзаздаса суркIаби гIемерал, цо нухалъ жиндаса гьекъани кидаго къечоларел. Гьелдаса лъим гьекъола Аварагасул ﷻ суннат бацIцIадго цIунарарал муъминзабаз. Цогидал аварагзабазулги хIавузал рукIине руго. Бищун цIикIкIун гIадамал МухIаммад аварагасул ﷺ хIавузалде рачIине руго.

Кавсар ккола хирияв МухIаммад аварагасда ﷺ жиб хасаб, алжаналда бугеб гIор, тIинда бугеб ракь мискалъул, жиндир лъим гьоцIоялдаса гьуинаб, рахьдадаса хъахIаб, мискалдаса махI гьуинаб.

ШафагIат камун нилъ тогеги Аллагьас ﷻ.

МухIаммаднаби АхIмаев