Аслияб гьумералде

Нилъеца кiарчанлъи гьабула

Нилъеца кiарчанлъи гьабула

Нилъер гIадат буго суннатаб жо бугони рехун толеб. Амма гьелъул гIаксалда, гьеб гьабизе хIаракат бахъизе ккола, аваргасда нахърилълъиналъул ниятгун. Гьединаздаса ккола какилъ «АлхIамалда» хадуб сураби цIали. Гьелъухъ кириги щола.

ШАМИЛ МУХIАММАДОВ, «АС-САЛАМАЛЪУЛ» МУХБИР

Гьединго паризаяб букIа, суннатаб букIа какил цебесеб кIиго ракагIаталда Къуръаналъул суратал цIализе суннатаб буго. Лъабабилебги ункъабилебги ракагIатазулъ гьел цIализе суннатал гьечIо. Амма тIоцебесебги кIиабилебги ракагIатазулъ цIалун ратичIони, лъабабилебги ункъабилебги ракагIатазулъ цIализе суннатлъула.

Имамас тIатун «АлхIам» цIалулел каказулъ (маркIачIул, боголил, рогьалил, рузманалъул, таравихIазул, гIидазул) гьес суратал цIалулеб рагIулеб бугони, гьесда хадуб как балев маъмум гьесул цIалиялъухъ гIенеккун чIела Къуръаналъул суратал цIаличIого. Гьелго каказулъ имамасул цIали рагIулеб батичIони, маъмумасги суратал цIалила.

Балъго «АлхIам» цIалулел каказулъ имамасги маъмумасги кIиязго цIалула «АлхIамалда» хадур суратал. Къуръаналъул цо аят цIаланиги суннат тIубала. Лъабго цIалани - камиллъула. Камилаб сурат цIали гьелда ращадал аятал цIалиялдаса хирияб буго.

Цо-цояз аятал цIикIкIун цIалиялдасаги къокъаб тIубараб сурат цIали хирияб бугиланги абула. Цебесеб ракагIаталда цIалулеб сурат, хадусеб ракагIаталда цIалулелдаса халатаб цIализеги суннатаб буго. Цебесеб цебе, хадусеб хадуб - Къуръаналъул тартибалда суратал цIализеги суннатаб буго. Цоцада хадур цун ругел суратал цIализеги суннатаб буго.

Цебеселда «Къулгьу» цIалани, гьелда хадусеб «КъулагIузу» халатабги бугелъул, гьебищ яги «Инна агIтIайнакайищ» цIалилебилан абуни, «Инна агIтIайнака» цIалила, амма гьелдасаги хирияб буго «КъулагIузуялъул» «Къулгьуялдаса» дагьаб къадар цIалун тезе. Имамас кIиго ракагIат бан хадуб маъмумас как бухьани, жиндирго цебесеб кIиябго ракагIаталда маъмумас суратал цIалила, рес ккани, ккечIони - лъабабилебги ункъабилебги ракагIаталда цIалила.

МаркIачIул какил тIоцебесебги кIиабилебги ракагIаталда суратал цIаличIого хутIани, лъабабилеб ракагIаталда кIиго сурат цIалила. Какил паризаял жал релълъинаруни чиясул гIумру гьабизе къваригIарал лугбазда, суннатал ккола как берцинлъизабулел жал, ай гьурмаца, квераз, кьунсруз чи берцинлъизавулев гIадин.

2026-09-01 (РабигIул аввал 1448 с) №17.


Аварагасул ﷺ гIумру щай лъазабилеб?

Аварагасул ﷺ бицунелъул гIенеккун ругеб мехалда нилъер къасд букIине бегьуларо гIицIго харбихъ гIенеккун ругеб гIадинаб. Ниятгун къасд букIине ккола Аварагасул ﷺ хIакъалъулъ рехсолел сипатаздалъун нилъее лазат щвей, ай гIишкъуялда гIенекки ва гьеб рекIелъе биччай. Аварагасул ﷺ бицунаго нилъ гьесде...


Суал-жаваб

Насвай хIалтIизабун хадуб кIалги ххуличIого ялъуни гьебги чвантиниб лъун бараб как рикIкIунищ? Лъалеб жо буго хъалияналъги, насваялъги ва гьелда релълъарал цогидал жалазги чорхое зарал гьабулеблъи. Гьел жал хIалтIизариги шаригIаталда мунагьлъун рикIкIуна. Пуланав чи ватани гьединал жалаздаса...


Камиллъарав авараг

Нилъее мисаллъун ва шаригIат малъизелъун Аллагьас ﷻ витIарав чи вуго хирияв МухIаммад авараг ﷺ. ТIадегIанав Аллагьас ﷻ Къуръаналда абун буго (магIна): «Аллагьасул расуласда буго нужее, я муъминзаби, берцинаб нахърилълъин…». (Сура «ал-АхIзаб», аят 21).   Нужеца...


Кин цIуни гьабилеб?

Адамил лъимер битIараб нухдаса къосинабизе, квешаб гIамал гьабизе гьесизабизе кидаго хIаракат бахъула иблисалъ. Гьелдаса цIунизе инсанасе бищун кумек гьабула Аллагьасдаса ﷻ кумек тIалаб гьабиялъ.   Гьедин гьабейин Къуръаналда абулебги буго (магIна): «…рахIматалдаса бачахъараб...


Хъизан цIуне

Хъизан гьаби ккола ТIадегIанав Аллагьасда цебе кIудияб жавабчилъи. Нилъеца хъизан гIуцIула Аллагьасул амруялдалъун ва Аварагасул ﷺ суннаталдалъун, гьединлъидал, нилъеца хIаракат бахъизе ккола диналъ малъараб куцалда хъизамалда гIумру гьабизе.   Квеш ккараб жо, жакъа гIемерал хъизамал...