МичI ва гьелъул пайда
МичI ва гьелъул пайда
МичI ккола некIо заманалдаго гIадамаз дару-сабаб гьабизе ва квен-тIехалъе хIалтIизабулеб букIараб пер-хер. Гьанже гьарурал цIех-рехазда лъазарун руго гьелъул витаминазул ва хIалтIизабизе бегьизабун буго батIи-батIиял сабабазе.
Ихдал кванил нигIматал дагьлъараб мехалъ, гьелъул хъархъаздасан гьабулаан гIадамаз батIи-батIиял кванил нигIматал ва кумек гьабулаан къуват цIунизе. Жакъаги нигIмат гьарзаяб заман бугониги нилъеца гъираго балагьула мичI бижараб заман ва хIалтIизабула кванилъ.
Азиялъул ракьазда гьеб хIалтIизабулеб буго руччабаз тIомода ва расазда.
Гьелда гъорлъ руго белкаби, органикиял батIи-батIиял кислотаби, хIажатаб аминокислота, глутамин, аланин, гликозид уртицин, клетчатка ва цогидалги пайдаял гIуцIалаби.
Гьеб бечедаб буго батIи-батIиял къокъабазул витаминаз, бета-каротин, никотиновая ва фолиевая кислотаялъ, калий, кальций, магний, железо, марганец, молибден, селен гIадал гIуцIалабаз.
Дару-сабаб гьабизе хIалтIизабула гьелъул тIанхал, мугьал ва кьалбал. Медицинаялда гьелъул тIанхал гIемер хIалтIизарула цин (жёлчь) хъамизелъун. ТIанхазул гьагIо букIуна би чIезабулеблъунги, гьелъ лъикIлъизабула бакьазулгун тIончIорукъалъул ва бакьазул тонус.
Медицинаялъ гьеб хIалтIизабизе бихьизабулеб буго батIи-батIиял тайпабазул би бачIиналъулъ, бегьулеб буго гIемер хIайизалъул би бачIунезе ва бавасур (геморрой) лъугьаразе.
Гьелда жанир ругел цIикIарасеб К витаминалъ бидул бети (свертываемость), гемоглобиналъул ва эритроцитазул къадар цIикIкIинабула.
Гьелдаса бахъараб сокалъ цIикIинабула кIущ ва хех гьеб къватIибе бачIинаби.
Хлорофил абураб гьелъулъ бугеб гIуцIиялъ кумек гьабулеб буго ругънал хех сахлъизаризе ва рас бижин лъикIлъизе. Противовоспалителнияб свойстволъунги буго.
Гьелъ хъамулел руго кIващул понцIороялда лъугьарал ганчIал (чIахIиял ругез цIодорлъи гьабизе ккола).
МичIил дарманал хъвала тохтурзабаз запорал лъугьиндал. Гьелъул хьон рикIунеб буго чорхое тирха-кIочи кьолеблъун, свакгун стрессалда данде къеркьолеб алат хIисабалда. ЛъикIаб асар кьолеб буго чиясул бихьинлъиялъулаб гIуцIиялъе.
МичIил гьарурал дарманал ва квен данде кколаро би бети букIунел хассал унтаби ругезе, гьединго чIужугIаданалъе лъимер гьабулеб мехалда.
Почкабазул унти бугезги цIодорлъи гьабизе ккола гьеб хIалтIизабулелъул. Херал чагIазеги гIемер бегьуларо.
