МагIна гъваридал рагIаби
Шайих СагIид-афандил (къ.с.) хIикматаб калам
- ГIелму буго рекIел тIегь, тIарикъ буго чорхол рухI бичун босизе кIолареб кIудияб нигIмат.
- Дунял гIуцIулаго гIибадатги хун, гIакълу-тадбиралда тоге дун, Аллагь. Дунял гIуцIулаго гIибадат хвани, гIодила чанги чи гьаб гьечIеб рокъоб.
- Исламияб дин бичIчIуларев жагьилав чияс жагьилаб гурони гIамал гьабилищ?
- Дунялалда бугебщинаб жо лъаниги Аллагь лъачIеб ракIалда дун разияв гьечIо.
- Иманалда рухI бахъиялдаса кIудияб рохел гьечIо гьаб дунялалда.
- Бихьинчи цо нухалъ хола, цIуяв - ункъоялда анцIила ичIго нухалъ хола.
- Инсанасул рекIелъ кIиго жо букIунаро – я Аллагь яги шайтIан букIуна.
- Дин гьечIони инсан вуго жанавар, жужахI буго гьесие хведал боркьараб.
- ЛъикIаб аби дуе гIарац батани, квешаб абичIого тей месед буго.
- ГIибадаталъул хан хирияб калам «Ла илагьа илла Ллагь» гIемераб абе.
- Гьаб вагIза гIоларел залимзабазда заз бекьеян абе пихъ бакIаризе.
- Къад мунагь гьабичIони, къаси лъикIаб, гьуинаб макьу щола.
- Иман гьечIел ракIалгун ракьалда хьвадизегIан, ракьул чохьониб лъикIаб буго.
- Ханлъун мун вугониги, лагълъун мун вугониги, хвечIого чи хутIуларо, хвел бичун босизе кIоларо кигIан бечедав мун ватаниги.
- Кьижарал рукIуна, рорчIарал рукIуна, хер гIурччинаб букIуна, бакъвараб букIуна, гьединалго гIадамалги рукIуна.
- Дуе гIоло бижараб гьаб дунялалда,
Дур рехсей гьечIого ана дир заман.
Кепкил багьа гьечIеб гьаб дунялалъ,
Гъоркь дунги тIамун мун тIад басандана.
- Исламги ислам гуребги кIиябго буго лъимги цIамги гIадаб жо.
- Ццидал къали гьекъон къо хIехьарасда, къанабакье индал Алжан батила.
- Дин бичараб къавмгун къацандилаго къадар щварав диеги дугIа гьабе, диналъул агьлу, дирги нужее даимаб дугIа буго.
- РекIел зикруялда ракI бугони, рекIелъ нур букIуна.
- РакIалъе зикру буго гъизараб парталалъе сапун гIадаб жо.
- ХIанчIиларилан борохь лъороб тIамуге, божи гьечIев гьудулгун ургъел бикьун чучуге.
- ГIелмуялъ ракIалда нур бала, боцIуца ракI биццат гьабула.
- Хабалъе аниги гIалимзабазул цIарал, зодор цIвабигIан кунчIула. ЦIвабилъун ракьалда хьваданиги диналъул цIогьазул цIарал кIочона.
- Хабалъе босулареб месед-гIарац, бечелъи биччай гIорлъун чвахизе гIорцIи гьечIеб къавмалде.
