25 нухалъ такрар гьабе
Ризкъи гIатIилъиялъе ругел сабабазул цIехолел чагIи гIемер рукIуна. Бищунго аслияблъун ккола жиндир заманалда как бай, ай киналго арканалги адабалги тӀуразарун.
Гьединго ризкъи тIаде цIалеблъун ккола зухIаялъул как бай, хасго кьижилалде цебе сура «ВакъигӀат», «Мулк», «Муззаммил», «Лайл» ва «ШархI» гIадал сураби цӀали.
Гьединго гьаб дугIа цIализеги лъикIаб буго:
اَللَّهُمَّ أَغْنِنِي بِحَلاَلِكَ عَنْ حَرَامِكَ وَاكْفِنِي بِفَضْلِكَ عَمَّنْ سِوَاكَ
«Аллагьумма агънини бихIалалика гIан хIарамика вакфини бифазлика гIамман сивак».
ГIали ибну ГIабдуррахIманица «ЛамгIатул Ннур» абураб тIехьалда хъван буго: «ХIал бихьараб жоялдасан ккола ризкъи гIатIиялъе щибаб къоялъ гьал назмаби 25 нухалъ такрар гьари:
وهب لي يا وهاب علماً وحكمة، وللرزق يا رزاق، كن لي مُسَهِّلاً
«Вагьаб ли я вагьгьабу гIилман ва хIикматан, ва лирризкъи я Раззакъу кун ли Мусагьгьилан».
Гьединго ризкъи тIаде цIала как ахIилалде мажгиталде иналъ, рогьалил какда цебе суннат баялъ.
ЛъикIаб буго гьаб калима цIализеги:
لاَ حَوْلَ وَلاَ قُوَّةَ إِلاَّ بِاللهِ الْعَلِيِّ الْعَظِيمِ
«ЛахIавла вала къуввата илла биЛлагь».
