Нужее баяналъе
Нужее баяналъе
1. Ризкъи тIаде цIаялъе щиб сура цIализе бегьулеб?
– Сура «ВакъигIагь».
2. Щиб сураялъ шафагIат гьабулеб Къиямасеб къоялъ?
– Сура «Мулкалъ», ай Табаракалъ.
3 Суратул «Намлаялда» цоги щиб цIар абулеб?
– Суратул «Сулайман».
4. Жаббар абураб Аллагьасул ﷻ цIар чан нухалъ Къуръаналда рехсараб?
– Цо нухалда, «ХIашр» абураб сураялда.
5. Имам Тирмизиясул, аварагасул ﷺ тIабигIатазул хIакъалъулъ хъвараб, машгьураб тIехь щиб?
– «Шамаилул МухIаммадия» абураб тIехь.
6. Гьабилилги Къабилилги къиса щиб сураялда рехсараб?
– Сура «ал-Маидаталда».
7. Кинал заманаби ТIадегIанав Аллагьас ﷻ Къуръаналда рехсарал?
– Рогьел, бакъанимех, маркIачIул гIуж, къадмех, сордо, рогьалил гIуж, къасимех.
8. Къуръаналда бищун гьитIинаб сура щиб?
– Сура «ал-Кавсар».
9. Къуръаналъул магIна гьабурал тIахьазда кин абулеб?
– Тафсиралин абула.
10. Сура «ан-Насалда» иблисалъул лъимадул щиб цIар рехсараб?
– Ханнас абураб цIар рехсана.
11. Адам ва Шис аварагзабазда хадуб тIоцебе авараглъи лъие кьураб?
– Идрис аварагасе.
12. «Вала хIавла вала къуввата илла биллагьил гIазим» абураб рагIи тIоцебе лъица абураб?
– МухIаммад аварагас ﷺ.
13. ЧIужугIаданалъул цIаралда тIоцебе рещтIараб сура щиб кколеб?
– Марьям.
14. ЖужахIалъул кIалтIа вукIунев малаикасул (Малик) цIар щиб сураялда рехсараб?
– Сура «Зухруфалда».
