Бакъккеялъул зарал
Бакъккеялъул зарал
БухIараб бакъул чIораз, бетIер бахчун гьечIони, унти ккезабизе рес буго. ГIадалнахалъул бидурихьал понцIон ва бидул кьаби хисардун ккола гьеб унтиги. Гьелъул гIаламатаздасан ккола: гьумер цин багIарлъун, цинги кьертIун лъугьин, рекIел кьаби цIикIкIин, гIундузул сас цIикIкIин, бадиб сурсури лъугьин, бетIер унтизе байбихьи, загIиплъи тIаде бачIуна. Рес буго сородизе, лагIизе лъугьине ва лъавудаса ине.
Гьединаб мехалда, хехаб кумек тIаде щвелалде, рагIдукье ялъуни гьури пулеб бакIалде вачина, бетIер борхатго кквела, гьурмаде цIорораб лъин пунхъила, цIорораб лъеца биччизабураб чIорто лъела, лъим гьекъела. РекIел кьаби гIодобе ккедал, рекIее массаж гьабила.
Сахлъи цIуниялъе лъикIаб буго лъим гьекъезеги. Чорхолъ лъим дагьлъани, ургьимесалъе зарал гьабула. Гьединлъидал черх букIине кколеб хIалалъ хIалтIизелъун, лъимги бакъги рекъон щвезе ккола. Цояб цIикIкIиндал ялъуни дагьлъидал къаркъалаялъул хIалтIи хисула.
ТIадегIанав Аллагьас ﷻ нилъ ахIула тIаса араб энергия цIилъизабизе кумек гьабулеб квен хIалтIизабиялде. Цинги гьеб квенги цIикIкIине бегьуларо черхалъ бихIинабизе рес бугелдаса. ЦIикIкIун кванайги ккола гIемерал унтабазде нуцIа рагьулеб жо.
Аллагьас ﷻ сахлъи кьеги.
