Чорхол хъаравул
Чорхол хъаравул
БетIергьанас инсанасул черх цIунун буго хасаб иммунитеталдалъун. Тохтурзабаз абула тIабигIияб куцалда иммунитет лъикIлъизабиялъе санагIалъаби гьаризе кколин абун. Циндаго иммунитет лъикI гьабулеб таблетка букIунаро. ГIаммаб куцалда гьеб лъикIлъизабиялъе кIвар бугел рахъал ккола къаси гIужда кьижи. Щайгурелъул, кьижараб мехалда чорхолъ лъугьунел руго иммунияб гIуцIиялъул клеткаби. Гьединго битIун кванай, хIалтIулгун хIалхьиялъул низам рекъезаби, вагъа-вачари цIикIкIинаби ва стрессалдаса цIунун чIей.
БитIун кванай
Витаминаздалъун ва макроэлементаздалъун бечедаб квен хIалтIизабила. Пихъалгун овощал щибаб къойил кванала.
Витаминал
Тохтурзабаз абула чара гьечIого витаминал хIалтIизаризе кколин абун. Гьаб заманалда витаминал гъорлъ ругеб квен цIакъго дагьлъун букIиналъ, витаминаздаса битIун пайда босизе ккола.
Физическияб рагъа-рачари
Рагъа-рачари цIикIкIинабила. Гьабила зарядка яги лъелго вилъина. Гьединаб мехалда чорхол къуват цIикIкIуна, бидулъ кислород гIемерлъула, макьу лъикIлъула ва кваназе гъира ккола. Анкьида жаниб лъабго нухалда 30-30 минуталъниги вилъанхъизе ккола инсан.
Къойилаб низам
ХIалтIулеб бакI, заман ва цогидал санагIалъаби рекъезаризе ккола лъикIаб сахлъи букIине бокьани.
Черх лъадари
Гьелъул къагIидаби батIи-батIиял руго. Щивасул ригьалде, сахлъиялде балагьун тохтурас бихьизабураб къагIидаялда гьабила.
