ГIамал куцалев устар

Рекlел кlутlи рикlкlун зикру малъулев,
Жиндир гьими бихьун бакъги гвангъулев,
Гlелмуялъул нуралъ нухал рагьулев,
Нилъер муфтиясул дагьаб бицинин.

Тlолабго Дагъистан жиндий налъулав,
Ислам икълималда щущазабурав,
Гьайбатаб гьуинлъи, диналъул бичlчlи
Щибаб бокlоналда щула гьабурав.

Жагьлуялъул бецlлъи нахъе рехарав,
Гlелмуялъул кунчlи щущазабурав.
Ракlалъул унтаби нахъеги рехун,
Матlу гlадин вацlцlун мурид къачlалев.

Бусурманчиясул аслияб мурад,
Аллагьасде щвезе квер ккун вачунев.
Камилаб куцалда Бетlергьан рехсон,
Мурид ругьун гьавун, хвасар гьавулев.

Мажгит-мадрас гуреб, рес щварабщинаб
Кирего ритlана насихlатчагlи.
Дагъистан гуребги, Россиялдеги
Дагlваталъул чlорал щвана гьенирги.

Жидер бичlчlи гьечlел, ракlал чlегlерал,
Бахьи гьечlел гlемер гаргаданиги,
Нилъер гlадав муфти кивниги гьечlо.
Щукру цlикlкlинаби рекъараб буго.

Кинги гьесул адаб-хlурматги гьабун,
Рачlа, бусурбаби, кlвараб гьабизин.
Цоцазулъ лъикl рукlун, исламги цlунун,
Нилъерго лъималги гьелда куцазин.

ХАДИЖАТ ХИЗРИЕВА