Гьаре, БетIергьанасда…
Гьаре, БетIергьанасда…
ХIурмат тIадегIанал яцалгун вацал,
Воре, инкар гьабуге щолеб давлаялдаса.
Дуниялгун ахират нилъей гвангъизабизе,
БетIергьанас кьураб рес хIалтIизе гьабизе лъай.
Дуниялго бахилаб РухIияб центр гIеларищ,
ГIиcа аварагасул цIар кьун чIухIизабураб.
Квербакъе, кумек гьабе киназго цо гьаракьалъ,
Нилъерго ирсилазе абадиялъ хутIизе.
Гьабе нужеца дугIа, даим АхIмад хIажие,
ХIажат ккедал ратулел лебалал гIолилазе.
Гьабе нужеца дугIа тIолго устарзабазе,
Гьезул баркаталдасан щваралда шукру гьабе.
Гьаре, киназго цадахъ, Дагъистан цIунейилан
ЦIадул, рагъул балагьал рикIкIад гьарегийилан.
Гьаре, кIвахI тун киназго, иман щула гьабеян,
Гьайбатаб, рохалилаб гIумру халкъалъе кьеян.
АСИЯТ СУРХАЕВА, ГЪОЗТАЛА РОСУ.
