ЛъикIаб заманги бачIина

Къуръаналда буго хирияб аят,
ЗахIмалъигун цадахъ бигьалъи бугин.
Жакъа кьогlаб гlумру чlамизе ккунги,
Заман ун бичIчIула букIараб хIикмат.

ХIехьезего кIолеб гьечIин кканиги,
Сабруялъул кумек кибго батула.
Къварилъи букIа гьеб, балагь букIа гьеб,
Рахlманас квербакъун, хIурлъун сверула.

Аллагь дие гIела, Гьев вуго Вакил,
Жинда гьарарасе жаваб кьей хехав.
НигIмат Жинца кьолев, хвасар гьарулев,
Таваккал тIамурал рехун толарев.

РакI бекун гIодарал нахъе чIваларев,
ЖужахIалъул агьлу гурхIун тархъулев.
Мунагьал гьарурал, кигIанги хъубал
Жиндир рахIмуялъулъ тIерхьинарулев.

Тавбуялъул нуцIа рагьухъе трав,
Гьелда кIутIаразе хвасарлъи хIакъав.
Жиндир лагъзаздехун рокьи цIикIкIарав,
Я РахIману РрахIим, Мун тIаса лъугьа!

ХАДИЖАТ ХИЗРИЕВА