ЛъабгIаркьелаб гъветI

Инсанасул гӀумру - лъабгӀаркьелаб гъветӀ,
Лъабабго бутӀадулъ батӀалъи бугеб.
БутӀабазулъ бугеб лъабгоялъулги,
Лъабабилеб цо-цо цадахъ камураб.

ТӀоцебесеб бутӀа буго лъимерлъи,
Лъаралъе жубалеб иццул лъим гӀадаб.
Лъарлъун гӀедегӀулеб гӀурулъе щвезе,
ГӀанчӀлъиги чӀухӀараб, чӀахъен камураб.

КӀиабилеб бутӀа - бахӀараб гӀумру,
Бекерун, гӀедегӀун гӀорлъун чвахулеб.
ГӀарацги къуватги къойил цадахъаб,
Къоял зунун унеб, заман гӀолареб.

Лъабабилеб бутӀа - гӀумрудул херлъи,
ГӀорлъун ралъдалъ жубан, жаниб лъалхъараб.
Жиндилъ заманаги чӀахъенги гӀураб,
ЧӀаголъи черхалъул чурхъун лъугӀараб.

САГӀИД ОРДАШОВ, ИЧИЧӀАЛИ РОСУ